Index

Chapter | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 | 115 | 116 | 117 | 118 | 119 | 120 | 121 | 122 | 123 | 124 | 125 | 126 | 127 | 128 | 129 | 130 | 131 | 132 | 133 | 134 | 135 | 136 | 137 | 138 | 139 | 140 | 141 | 142 | 143 | 144 | 145 | 146 | 147 | 148 | 149 | 150 |

⁣

Izihlabelelo

ZikaDavida

⁣

⁣

⁣

⁣

⁣

Kubhalwe ngo-2011

Go to start

Isihlabelelo 1

1 Uyabusiswa umuntu

Ongahambi ngalo

Icebo labo ababi

Lenhlanganwen' yabo.

Ongem' endleleni yabo

Abayiz' izoni,

Engahlal' esihlalweni

Esabagconayo.

2 Kodw' ukujabula kwakhe

Kukuwo umthetho

WeNkosi, ewukhumbula

Emini leb'suku.

3 Uzaba njengesihlahla

'Simil' emfuleni,

'Sithel' izithelo zaso

Ngesikhathi saso.

Amahlamvu aso wona

Awayikubuna.

Konke akwenzayo yena

Kuzaphumelela.

4 AbangelaNkulunkulu

Kabanjalo bona,

Kodwa banjengamakhoba

Amuka lomoya.

5 Kant' ababi kabasoze

Bem' ekwahluleni,

Lezoni emhlanganweni

Wabalungileyo.

6 Ngob' iNkosi iyayazi

Indlela yabo nje

Abalungileyo, kodwa

Eyababi yofa.

Go to start

Isihlabelelo 2

1 Kungani abahedeni

Sebexokozela,

Labantu bekhumbula nje

Khona okuyize.

2 Amakhos' omhlaba ema,

Lababusi benza

Icebo ngayo iNkosi,

Kuy' umgcotshwa wayo,

3 Bethi: Asephule zona

Izibopho zabo,

Sizilahle kude lathi

Izintambo zabo.

4 Yena ohlez' ezulwini

Mpela uzahleka;

INkosi yona izaku-

bahleka usulu.

5 Khona ezakubakhuza

Esethukuthele,

Abethuse ngokuvutha

Kwal' ulaka lwakhe.

6 Kodwa ngibekil' iNkosi

Yami eZiyoni,

Entabeni yami khona,

Yona eyingcwele.

7 Ngizakwazis' isimiso:

'Nkosi yangitshela:

UyiNdodana yam' wena,

Lamhla ngikuzele.

8 Cela kimi ifa lakho,

Ngikuphe izizwe

Lemikhawulo yomhlaba

Ibe 'mfuyo yakho.

9 Uzabephula ngentonga

Eyensimbi yona;

Ubaphahlaze njengalo

Udiwo lombumbi.

10 Ngakho-ke hlakaniphani,

Lina makhos' wonke,

Lina lonke abehluli,

Bezwe lilayeke.

11 Ikhonzenini iNkosi

Ngokwesaba yona;

Thokoza ngok'thuthumela,

Khonzanin' iNkosi.

12 Yanganini iNdodana,

Hlez' ithukuthele,

Litshabalal' endleleni,

Laph' ithukuthela,

Lapho olwayo ulaka

Luvutha kancane.

Bayabusiswa labo-ke

Abathemba kuyo.

Go to start

Isihlabelelo 3

Isihlabelo sikaDavida, lapho ebalekela ubuso bukaAbisalomu indodana yakhe.

1 Nkosi, hay' ukwanda kwaba-

ngihluphayo mina!

Banengi kakhulu aba-

vukelana lami.

2 Banengi bona abathi

Kumphefum'lo wami:

Kakukho usizo lwakhe

Kuy' uNkulunkulu.

3 Kodwa wena, Nkosi yami,

Ulihawu lami

Lodumo lomphakamisi

Welami ikhanda.

4 Ngakhala kuyo iNkosi

Ngalo izwi lami,

Yangizwa isentabeni

Yayo eyingcwele.

5 Ngangilele ubuthongo,

Ngabuya ngavuka,

Ngenxa yokuthi iNkosi

Yangilondoloza.

6 Angesab' inkulungwane

Ezilitshumi-ke

'Zabantu abayizitha

Abangihanqayo.

7 Vuka ngisindise, Nkosi

Nkulunkulu wami,

Ngoba uzitshay' im'hlathi

Zonk' izitha zami.

Uwephulile-ke wona

Amazinyo abo

Bon' abantu abazonda

Yen' uNkulunkulu.

8 Usindiso ngolweNkosi,

Ngolwayo kuphela;

Izibusiso phezulu

Kwabantu bakho qha.

Go to start

Isihlabelelo 4

Kumqondisi wokuhlabelela. NgeNeginothi. Isihlabelelo sikaDavida.

1 Ngilalele, Nkosi yami,

Uba ngikubiza,

Wena Nkulunkulu wami

Wokulunga kwami.

Wangivuselela mina

Nxa ngangidanile;

Ngihawukele, uwuzwe

Umthandazo wami.

2 Lina madodan' abantu,

Koze kube nini

Liphendul' udumo lwami

Lilwenza ihlazo.

Koze kube nini, lina

Lithanda ubuze,

Njalo lidinga amanga

Kokuphela njalo.

3 Kodwa yazini ukuthi

INkos' ikhethile

Olungileyo. Yongizwa

Nxa ngibiza kuyo.

4 Manini lithuthumele,

Lingoni, lizindle

Ngenhliziyo embhedeni,

Lithule lithi zwi.

5 Nikelan' iminikelo

Yakho ukulunga,

Libeke ithemba lenu

Ngakuyo iNkosi.

6 Baneng' abathi: Ngubani

Os'bonis' okuhle?

Nkosi, khanyisa ubuso

Bakho phezu kwethu.

7 Ufakile ukuthaba

Kweyam' inhliziyo

Okwedlula iwayini

Lamabele abo.

8 Ngizalala ngokuthula,

Ngilal' ubuthongo,

Ngoba wena, Nkosi yami,

Ungilondoloza.

Go to start

Isihlabelelo 5

Kumqondisi wokuhlabelela. NgeNehilothi. Isihlabelelo sikaDavida.

1 Zwan' amazwi ami, Nkosi,

Njalo yemukela

Yon' imikhumbulo yami

Lezizindlo zami.

2 Ulalele elizwini

Lokukhala kwami,

Nkulunkulu, Nkosi yami,

Ngothandaza kuwe.

3 Ilizwi lami, ye, Nkosi,

Wena uzalizwa,

Khona ekuseni mpela,

Wolizwa bo, Nkosi.

Ekuseni ngowukhomba

Ngakuw' umthandazo

Owami, ngawuthandaza

Ngibheke phezulu.

4 Ngoba wena kawusuye

UNkulunkulu bo

Othand' okubi; omubi

Kay'kuhlala lawe.

5 Iziwula kazisoze

Zime phambi kwakho,

Uyazonda bonk' abenza

Okungalungile.

6 Uzabhubhis' abaqamba

Amanga, o Nkosi,

Umbulali lomkhohlisi

Wen' uyabenyanya.

7 Kodwa mina ngizangena

Kuyo indlu yakho

Ngakho ukwanda okwaso

Isihawu sakho.

Ekwesabeni okwakho

Ngizakukukhonza,

Ngikhangel' ethempelini

Lakho elingcwele

8 Nkosi ngenxa yezitha zam'

Ngikhokhela ngoku-

lunga kwakho, uyenze i-

qond' indlela yakho.

9 Ngoba emlonyeni wazo

Kakulathembeko,

Lakho ngaphakathi kwazo

Zigcwele ububi.

Umphimbo wazo lingcwaba

Elivuliweyo,

Ziyakhohlisa impela

Ngal' ulimi lwazo.

10 Zibhubhise zona, wena

OnguNkulunkulu,

Yenza ziwele kuwona

Amacebo azo.

Ziphosele phandle ngenxa

Yezeduko zazo,

Ngokuba zikuvukele

Wena isibili.

11 Kabathabe bonke labo

Abakuthembayo,

Bajabule bamemeze

Ngayo intokozo.

Ngoba uyabavikela

Abalithandayo

Ibizo lakho impela,

Bajabule kuwe.

12 Ngoba wena Nkosi uya-

busis' olung'leyo,

Wena umhanqa ngomusa

Njengesihlangu bo.

Go to start

Isihlabelelo 6 L.M.

Kumqondisi wokuhlabelela. NgeNeginothi, ngeSheminithi. Isihlabelelo sikaDavida.

1 O Nkosi, ungangisoli

Nxa wena uthukuthele,

Ungangitshayi ngolaka

Olwakho nxa seluvutha.

2 Ngihawukele, o Nkosi,

Ngoba ngibuthakathaka,

Ngelapha, Nkosi, ngokuba

Amathamb' athuthumele.

3 Lomphefum'lo wami wona

Uhluphekile kakhulu,

Kodwa wena Nkulunkulu,

Hawu Nkosi, koba nini?

4 Buya, Nkosi, ungisize,

Hlenga umphefum'lo wami,

O ngisindisa bo, ngenxa

Yawo won' umusa wakho.

5 Ngoba ekufeni khona

Akukho ukukhumbula,

Elibeni ngubani na

Ozakubonga wena na?

6 Ngidiniwe mina ngakho

Ukububul' ebusuku,

Ngimanzisile umbheda

Wami ngazo inyembezi.

7 Ilihlo lami lidliwe

Lusizi lwami impela,

Lona liyaguga ngazo

Zonke zon' izitha zami.

8 Sukani kimi, lina bo

Abasebenzi bobubi,

Ngoba iNkosi izwile

Ilizwi lokulila kwam'.

9 INkosi isikuzwile

Ukuncenga kwami khona,

INkosi isemukela

Wona umthandazo wami.

10 Zonk' izitha zam' kazibe

Lezinhloni, zihlupheke,

Kazibuyele ngenhloni,

Zidane ngokuphangisa.

Go to start

Isihlabelelo 7

IShigayoni kaDavida, ayihlabelela iNkosi, ngamazwi kaKushi umBenjamini.

1 Nkosi, Nkulunkulu wami,

Ngithembela kuwe,

Kubo abangihluphayo

Ngihleng' ungisize.

2 Hlez' ahlephul' umphefum'lo

Wami sangonyama,

Ewenz' iziqa, kungekho

Ongikhululayo.

3 Nkosi Nkulunkulu wami,

Uba ngenze lokhu,

Uba kukhona okubi

Ezandleni zami.

4 Uba ngimphindisel' 'kubi

Obengalwi lami,

Kuphela, mina ngamphanga

Olwa lami ngeze.

5 Yenza ukuthi isitha

Sami siwuhluphe

Umphefum'lo wami wona,

Njalo siwuthathe.

Yebo yenz' anyathelele

Phans' impilo yami,

Abeke phansi udumo

Lwami othulini.

6 Vuka, Nkosi, ulolaka,

Ziphakamise bo

Ngenxa yal' ulaka lwazo

Zon' izitha zami.

7 Ngakh' umhlangano wabantu

Uzakukuhanqa,

Ngenxa yabo buya wena

Khonale phezulu.

8 INkosi yogweb' abantu,

Ngiqondise, Nkosi,

Ngokulunga lobuqotho

Obukhona kimi.

9 Bona ububi bababi

Abuphele mpela,

Kodwa ubamise labo

Abalungileyo.

Nkulunkul' olungileyo,

Uyazihlola bo

Izinhliziyo zona bo

Njalo laz' izinso.

10 KuNkulunkul' inqaba yam',

Wena ohlengayo

Labo abaqondileyo

Enhliz'yweni yabo.

11 'Nkulunkul' uyabagweba

Abalungileyo.

INkos' izondel' ababi

Izinsuku zonke.

12 Nxa yena engaphenduki

Uzalol' inkemba,

Ugobisile umtshoko,

Uwulungisile.

13 Njalo usemlungisele

'Zikhali zokufa,

Uqondisa imitshoko

Yakhe kubahluphi.

14 Khangela, uyahelelwa

Yibubi umithi,

Usekhulelwe ngokona,

Wazala amanga.

15 Uwenzile won' umgodi

Wawugebha yena,

Usewele emgelweni

Awugebhileyo.

16 Ububi bakhe behlele

Khon' ekhanda lakhe,

Lesihluku simehlele

Khon' ekhanda lakhe.

17 Ngizadumisa iNkosi

Ngokulunga kwayo,

Ngihlabelele igama

Lakh' oPhezukonke.

Go to start

Isihlabelelo 8

Kumqondisi wokuhlabelela. NgeGithithi. Isihlabelelo sikaDavida.

1 O Nkosi, o Nkosi yethu,

Hay' ubuhle balo

Lona elakho ibizo

Emhlabeni wonke!

Wena ulumisile bo

Olwakho udumo

Ngaphezulu kwawo wona

Amazulu wonke.

2 Emlonyeni wezingane

Njalo lowalabo

Abamunyayo wena u-

sumise amandla,

Ngenxa yezakho izitha,

Ukuze wena-ke

Uthulise son' isitha

Lay' umphindiseli.

3 Nxa ngikhangel' amazulu,

Umsebenzi wayo

Iminwe yakho, umise

'Nyanga lenkanyezi.

4 Umuntu ubeyini na

Ukuth' umkhumbule?

Lendodana yakh' umuntu

Ukuyihambela?

5 Umenzile wasilela

Kancane kulazo

Ingilosi, umthwese nge-

nkazim'lo lodumo.

6 Wamenza wabusa phezu

Kwem'sebenz' yezandla,

Konke wakubeka phansi

Kwezinyawo zakhe.

7 Zonk' izimvu lezinkomo,

Yebo, lazo zonke

Izinyamazana zonke

Ezasehlathini.

8 Izinyoni zemoyeni

Lenhlanzi zolwandle

Lakho konk' okudlulayo

Kundlela zolwandle.

9 O Nkosi, o Nkosi yethu,

Hay' ubuhle balo

Lona elakho ibizo

Emhlabeni wonke!

Go to start

Isihlabelelo 9

Kumqondisi wokuhlabelela. NgeMuthi-labheni. Isihlabelelo sikaDavida.

1 Ngizakubong', Nkosi, ngayo

'Nhliziyo yam' yonke,

Ngitshengise yonke yakho

'Msebenz' esimanga.

2 Ngizathaba ngijabule

Kuwe, ngihlabele

Indumiso ebizweni

Lakh' oPhezukonke.

3 Nxa abayizitha zami

Bebuyel' emuva,

Bazakuwa babhubhele

'Bukhoneni bakho.

4 Ngoba wena umisile

Ilungelo lami,

Wahlala esihlalweni,

Ugweba ngok'qonda.

5 Wakhuza abahedeni,

Wabulal' ababi,

Wachitha ibizo labo

Lingaze laziwa.

6 Sitha! kuphelile konke

Ukuchithakala,

Uyichithile imizi

Lokwaziwa kwayo.

7 Kodw' iNkosi izahlala

Ngokungapheliyo,

Ulungisil' isihlalo

Sayo sokugweba.

8 INkos' izakwehlulela

Ngokulunga izwe,

Izakutheth' amacala

Abo ngeqiniso.

9 INkosi yoba yinqaba

Eyabahlutshwayo,

Isiphephelo ngensuku

Ezokuhlupheka.

10 Abazi ibizo lakho

Bazathemba kuwe,

Ngoba, Nkos', awutshiyanga

Abakudingayo.

11 Hlabelani eNkosini

Ehlez' eZiyoni,

Limemezel' ebantwini

Ezayo izenzo.

12 Lapho ibuza ngegazi,

Iyabakhumbula,

Kayikhohlwa ukukhala

Kwabachumileyo.

13 Woba lesihawu kimi,

Nkosi, ukhangele

Zon' izinhlupheko zami

Zabangizondayo,

Wen' ongiphakamisayo

Emnyango yokufa,

Ukuze ngizwakalise

Indumiso yakho.

14 Emasangweni entombi

EyaseZiyoni

Ngizakuthokoza kulo

Usindiso lwakho.

15 Izizwe zitshone kuwo

'Mgod' eziwenzile,

Zabanjwa ngumgibinyawo

Abawufihlayo.

16 INkosi iyezwakala

Ngokugweba kwayo,

Isigangi sibanjiwe

'Msebenzini waso.

17 Ababi bazabuyela

Khon' esihogweni,

Futhi izizwe zonk' ezi-

khohlw' uNkulunkulu.

18 Ngoba abayanga aba-

soze balitshalwa,

Ithemba labaswelayo

Aliyikubhubha.

19 Vuka Nkosi, ungavumi

Umuntu ehlule,

Kazehlulelwe izizwe

Khona phambi kwakho.

20 Uzesabise-ke, Nkosi,

Zon' izizwe zonke,

Ukuze zizazi zinga-

bantukazana nje.

Go to start

Isihlabelelo 10

1 Umeleni khatshana bo,

O Nkosi, yini na?

Ucatshelan' ezikhathin'

Zokuhlupheka na?

2 Ekuzindleni komubi

Uhlupha ompofu.

Kababanjwe kumacebo

Abawacebile.

3 Omub' uyazibula nge-

zifis' enhliz'yweni.

Ubusisa olomhawu,

Onengwa yiNkosi.

4 Omubi ngokuziqhenya

Akading' iNkosi;

INkosi kayikho kuyo

Im'khumbulo yakhe.

5 Izindlela zakhe zona

Zicunula njalo;

Izigwebo zakho, belo,

Zikhatshana laye.

Zingaphezulu kwamehlo

Akhe, kaziboni,

Uyaziklolodela bo

Zonk' izitha zakhe.

6 Uth' enhliziyweni yakhe:

Angiyikususwa,

Ngoba ngingasoze ngibe

Khon' ebunzimeni.

7 Umlomo wakhe ugcwele

'Nhlamba lenkohliso

Lobuqili; phans' kolimi

Kulobubi leze.

8 Uhlez' ekusithekeni

Kundawo zemizi

Ukuze ababulale

Abangelamlandu.

Amehlo akh' akhangele

Umyanga ngobubi,

Emquthele sangonyama

Ebhalwini lwayo.

9 Umquthele ukumbamba,

Qotho uyambamba

Ompofu, uyambamba nje

Embuleni lakhe.

10 Uhahab' azithobise

Ukuze ompofu

Awiswe ngabangabakhe

Abalaw' amandla.

11 Uthe enhliz'yweni yakhe:

INkos' ikhohliwe,

Ifihlil' ubuso bayo,

Kasoz' ikubone.

12 Nkosi, vuka, Nkulunkulu,

Phakamis' isandla

Sakho, ungakhohlwa yibo

Abachumileyo.

13 Yin' omubi edelela

'Nkulunkulu, ethi

Kunhliziyo yakhe: Wena

Kawuyikufuna.

14 Usukubonile khona,

Ngoba uyabona

Umona layo inzondo,

Wokuphindisela

Ngesandla sakho. Umyanga

Woziletha kuwe.

Wena ungumsizi wazo

Zona intandane.

15 Yephul' ingalo yomubi

Lay' ongalungile.

Ding' inkohlakalo yakhe

Uz' ungayitholi.

16 UJehova uyiNkosi

Emiyo phakade.

Baphelil' abahedeni

Elizweni lakhe.

17 Nkosi uzwil' ukufisa

Kwabamnene, uza-

lungis' inhliziyo yabo,

Wenz' indleb' yakh' izwe.

18 Ukugweba intandane

Labahlutshiweyo;

Khon' umuntu owomhlaba

Angaphind' ahluphe.

Go to start

Isihlabelelo 11

Kumqondisi wokuhlabelela. EsikaDavida.

1 Ngithembela eNkosini,

Ngani lithi: Phapha

Sanyon' entabeni yenu,

Kumphefum'lo wami?

2 Ngob' ababi bakhombela

Ngemitshoko yabo,

Beyilungisa phezulu

Kwezintambo zayo.

Ukuze bathi-ke bona

Ngobuqili babo

Bamcibe olungileyo

Kunhliziyo yakhe.

3 Nxa kambe izisekelo

Zidilizwe zonke,

Yikuthi bangenze njani

Abalungileyo?

4 INkos' iphakathi kwalo

'Thempel' elingcwele.

Isihlalo say' iNkosi

Sisemazulwini.

Amehl' ayo ayabona,

Inkophe zihlole

Inzalo yabantu bonke,

Ayiqedisise.

5 INkos' ilinga ongcwele,

Kodwa umphefum'lo

Wayo uzonda omubi

Othanda umsindo.

6 Kuzoni wothel' umlilo,

'Sibabul', 'siphepho.

Lokhu koba yisabelo

Seyabo inkezo.

7 Ngob' iNkos' elungileyo

Ithand' ukulunga.

Ubuso bayo bubuka

Yen' oqondileyo.

Go to start

Isihlabelelo 12

Kumqondisi wokuhlabelela. NgeSheminithi. Isihlabelelo sikaDavida.

1 Siza Nkosi, uyaphela

Umnt' olungileyo

Lothembekileyo kuyo

Inzalo yabantu.

2 Umuntu lomakhelwane

Bakhuluma ize

Ngolim' olulalisayo

Ngenhliziyombili.

3 INkosi izakuquma

'Ndeb' elalisayo

Lolimi olukhuluma

Izint' ezinkulu.

4 Labo abathe: Ngolimi

Lwethu sizanqoba,

Indebe lezi ngezethu,

Inguban' iNkosi?

5 Ngokuhlutshwa kwabampofu

Lok'bubula kwabo

Abasweleyo, khathesi

Mina ngizavuka,

Itsho iNkosi, ukuthi

Ngizammisa yena

Enqabeni kuyena o-

zikhukhumezayo.

6 'Mazw' eNkosi mahle njenge-

siliva ehlolwe

Eziko lawo umlilo,

'Cengwe kas'khombisa.

7 Uzakubagcina, Nkosi,

Ubalondoloze

Kulesisizukulwana

Ngokungapheliyo.

8 Izikhohlakali zona

Zihamb' inxa zonke,

Lapha ababi abantu

Bephakanyisiwe.

Go to start

Isihlabelelo 13

Kumqondisi wokuhlabelela. Isihlabelelo sikaDavida.

1 Wongikhohlwa kube nini,

O Nkosi, phakade?

Koba nini, Nkos', ufihla

'Buso bakho kimi?

2 Koba nini ngizindla na

Phakathi kowami

Umphefum'lo, ngilusizi

Enhliz'yweni yami?

Kuzakuba nini sona

Isitha sami-ke

Siphakanyisiwe khona

Ngaphezulu kwami?

3 Khumbula njalo ungizwe,

Nkosi 'Nkulunkul' wam',

Khanyis' amehlo ngingabi

Lobuthong' bokufa.

4 Hlez' isitha sami sithi:

Sengimehlulile.

Bathabe abahluphayo

Ngizanyazanyiswe.

5 Kodwa ngithembile mina

Emuseni wakho.

'Nhliziyo yam' ijabule

Kusindiso lwakho.

6 Sengizakuhlabelela

ENkosini yami,

Ngokuba okuhle kwayo

Uhlal' engenzela.

Go to start

Isihlabelelo 14

Kumqondisi wokuhlabelela. EsikaDavida.

1 Isiwula sesitshilo

Enhliz'yweni yaso

Ukuthi kakho sibili

Yen' uNkulunkulu.

Bonakele bona bonke,

Benzile okubi,

Njalo akukho loyedwa

Owenz' ukulunga.

2 INkosi isezulwini

Yakhangela phansi

Ebantwaneni babantu

Ukubon' ukuthi

Ngaba ukhona yini-ke

Ngitsho yen' oyedwa

Owaziyo njal' odinga

UNkulunkulu bo.

3 Baphambukile bon' bonke,

Bangcolile kanye;

Owenz' okulungileyo

Akakho loyedwa.

4 'Benzi bobub' abazi na?

Abadl' abantu bam'

Njengalokhu bedl' isinkwa;

Kababiz' iNkosi.

5 Balokwesab' okukhulu,

Ngob' uNkulunkulu

Usesizukulwaneni

Sabalungileyo.

6 Liliyangisil' icebo

Labo abayanga,

Ngokuba iNkosi iyi-

siphephelo sabo.

7 Sengathi nga usindiso

LukaIsrayeli

Lungafika luvelela

Khona eZiyoni.

UJehova ebuyisa

Abathunjwa bakhe,

Uzakuthab' uJakobe,

Athab' 'Israyeli.

Go to start

Isihlabelelo 15 L.M.

Isihlabelelo sikaDavida.

1 O! Nkosi ngubani oza-

kuhlala endlini yakho?

Ngubani ozakwakha na

Entabeni yakh' engcwele?

2 Yen' ohamba ngobuqotho,

Owenzayo ukulunga,

Ekhuluma iqiniso

Kuyo inhliziyo yakhe.

3 Kahlebi ngalo ulimi,

Akoni umakhelwane,

Kaphakamisi ihlazo

Kuy' umakhelwane wakhe.

4 Kumehl' akhe uyenyanya

Umuntu ongalunganga,

Kodwa uyabadumisa

Abayesabay' iNkosi.

5 Nxa yena esefungile

Loba kuzakumlimaza,

Akaphenduki lakanye;

Kanik' imali ngenzuzo.

Akemukeli isipho

Kuye ongelal' icala.

Yena okwenzayo lokho

Kayikuzanyazanyiswa.

Go to start

Isihlabelelo 16

IMikitami kaDavida.

1 Ngilondoloze-ke mina,

Nkulunkulu wami,

Ngilibekile kuwena

Elami ithemba.

2 Usutshilo eNkosini:

UyiNkosi yami,

Lokhukulunga okwami

Kakufiki kuwe,

3 Kodwa kubangcwel' labahle

Abasemhlabeni,

Kulapho ikhona yona

Eyam' injabulo.

4 Zizakwanda izinsizi

Zabo abaphanga

Abanye onkulunkulu.

Anginikeli-ke

Enathwayo eyegazi.

Angiyikuphatha

Wona amabizo abo

Ngezindebe zami.

5 INkosi iyisabelo

Selami ilifa

Lesenkezo yam'. Ulonda

Isabelo sami.

6 Zingehlele izabelo

Endawen' ezinhle,

Yebo ngilalo ilifa

Elilungileyo.

7 Ngizabonga iNkosi bo

Engiqondisayo;

'Zinso zam' zingiqondisa

Khona ebusuku.

8 Ngiyibekile iNkosi

Njalo phambi kwami,

Ngoba ingakwesokudla,

Ngingenyikinyeke.

9 Ngakho inhliziyo yami

Ithab', lodumo lwam';

Inyama yami layo yo-

phumul' ethembeni.

10 Ungatshiyi umphefum'lo

Wam' esihogweni,

Njal' ungavumel' oNgcwele

Wakh' abon' 'kubola.

11 Uzangibonisa yona

Indlela yempilo

Kubukho bakho, kugcwele

Yona injabulo.

Kuso esakho isandla

Son' esokunene

Kukhona izinjabulo

Ezingapheliyo.

Go to start

Isihlabelelo 17

Umkhuleko kaDavida.

1 Zwana khona ukulunga,

Nkosi, ulalele

Kukho ukukhala kwami.

Beka indlebe bo

Emithandazweni yami,

Yona engaphumi

Kuzo izindebe zona

'Zigcwel' inkohliso.

2 Kasivele phambi kwakho

Isigwebo sami,

Amehl' akho kawabone

Okulungileyo.

3 Usuyihlolile yona

Inhliziyo yami,

Wangethekelela mina

Khona ebusuku.

Mina usungihlolile,

Kawathola lutho,

Ngizimisele-ke mina

Ngingoni ngomlomo.

4 Ngemisebenzi yabantu,

Ngizigcinile m'na

Ngelizwi lendebe zakho

Endlelen' zomchithi.

5 Londa ukuhamba kwami

Kuzindlela zakho,

Ukuz' amanyathelo am'

Angaz' atshelela.

6 Nkulunkulu ngakhal' kuwe,

Ngoba uzangizwa,

Bek' indlebe yakho kimi,

Uzw' amazwi ami.

7 Tshengis' isihawu sakho

'Simangalisayo,

Wen' osindisa ngesandla

Sakho sokunene,

Ngesandla esokunene,

Labo abathemba

Kuwe uyabavikela

Kwabavukelayo.

8 Ngigcine sanhlamvu yalo

Elakho ilihlo,

Ungifihle emthunzini

Wamaphiko akho,

9 Kwabakhohlakeleyo-ke

Abangihluphayo,

Kuzitha ezilengozi

Ezing'hanqileyo.

10 Bazingelezelwe kuwo

Amafutha abo;

Ngomlomo wabo bayatsho

Okokuzigqaja.

11 Sebesihanqile manje

Thin' ekuhambeni,

Bakhangele ngamehl' abo

Phansi bekhotheme.

12 Sangonyama ephangayo

Khon' ukudla kwayo,

Ingonyam' entsh' iquthile

Endawen' zensitha.

13 Vuka Nkosi, umdanise,

Umwisele phansi,

Khulula umphefum'lo wam'

Kom'bi, 'nkemba yakho.

14 Kubantu, abayisandla

Sakho, Nkos', kubantu

Bomhlab', osabelo sabo

Sikule impilo,

Ogcwalisa izisu-ke

Zabo ngenoth' yakho,

Ngenotho eligugu-ke

Efihlakeleyo;

Bona bagcwel' abantwana,

Njalo bayatshiya

Eyabo yona inotho

Kuzinsane zabo

15 Mina ngizabon' ubuso

Bakho ek'lungeni,

Ngonele lapho ngivuka

Ngilesimo sakho.

Go to start

Isihlabelelo 18

Kumqondisi wokuhlabelela. EsikaDavida, inceku yeNkosi, eyakhuluma eNkosini amazwi alelihubo mhla iNkosi imkhulula esandleni sezitha zakhe zonke lesandleni sikaSawuli. Wasesithi:

1 Mina ngizakukuthanda

Wena oyiNkosi,

Yebo, eyami yona-ke,

Ungamandla ami.

2 INkos' ilidwala lami

Lenqaba eyami,

INkosi ingumkhululi

Lamandla awami.

Kuyo ngizathemba mina,

Isihlangu sami

Lophondo losindiso lwam',

Inqaba yam' ende.

3 Ngizakubiza iNkosi,

Efanel' udumo,

Besengisindiswa kuzo

Ezami izitha.

4 Izinsizi ezokufa

Zangihanqa mina,

Amabutho ababi bo

Angesabisayo.

5 Izinsizi zesihogo

Zangizingeleza,

Imijibila yokufa

Yangivimbezela.

6 Kuzo izinhlupho zami

Ngabiza iNkosi,

Futhi ngakhalela kuye

'Nkulunkulu wami.

Wasizw' isililo sami

Kwelakh' ithempeli;

Seza khona phambi kwakhe

Lendlebeni zakhe.

7 Wazamazama umhlaba

Ezisekelweni

Zamaqaqa zanyikinywa,

Ngob' ethukuthele.

8 Kwathunq' intuthu iphuma

Emakhalen' akhe,

Lomlil' emlonyeni wakhe

Wavuth' amalahle.

9 Wakhothamis' amazulu,

Wehla phansi yena,

Kwaba mnyama langaphansi

Kwezinyawo zakhe.

10 Njalo wagad' ikherubi,

Wabuye waphapha,

Yebo waphapha ngempiko

Ezawo umoya.

11 Wacatsha ebumnyameni,

Wembatha amanzi

Amnyama lawo amafu

Phezul' ezulwini.

12 Kukhanya phambili kwakhe,

Amafu anzima

Akhe adlul', isiqhotho

Lamalahl' omlilo.

13 'Nkosi yadum' ezulwini,

Yavez' izwi layo,

Laba yisiqhotho mpela

Lamalahl' omlilo.

14 Yaphosa im'tshoko yayo,

Yabachithachitha,

Yahlaba ngembane yayo,

Njalo yabaxotsha.

15 Khona kwabonakaliswa

Im'thombo yamanzi,

Lezisekelo zomhlaba

Zasibukululwa.

Zavulwa ngokuzikhuza

Kwakho, wena Nkosi,

Ngokufutha komoya nje

Wamakhala akho.

16 Yathuma isezulwini,

Yasingihluthuna,

Yangikhupha emanzini

Wona amanengi.

17 Yangisindis' esitheni,

'Sith' esilamandla,

Lakub' abangizondayo,

Ababengehlula.

18 Banginqabela ngosuku

Lwenkathazo yami,

Kodwa uJehova waba

Yinsika yami nje.

19 Wangileth' obala yena

Endawen' ebanzi,

Wangikhulula, ngokuba

Wathokoza kimi.

20 INkosi ingivuzile

Ngokulunga kwami

Langokuhlanzeka kwazo

Ezami izandla.

21 Ngoba mina ngigcinile

Indlela zeNkosi,

Angimukanga kuMlimu

Wami ngakh' okubi.

22 Ngoba izehlulo zakhe

Zikho phambi kwami,

Angilahlang' izimiso

Zakhe phambi kwami.

23 Njalo ngangiqondile mpo

Khona phambi kwakhe,

Ngazigcina ngingoni nje

Kub' ububi bami.

24 Ngokulunga kwam' iNkosi

Ibuyisele kim',

Ngokuhlanzeka kwezandla,

Emehlweni ayo.

25 Kuye lowo olomusa

Wobonis' umusa,

Kuy' umuntu yen' oqotho

Wokhanya uqotho.

26 Woz'bonakalisa kubo

'Bahlanzekileyo,

Kuye ophambukileyo

Uphambukile-ke.

27 Ngoba uzabasindisa

'Bant' abahlutshwayo,

Kanti uyawathobisa

'Mehlo azidlayo.

28 Wokhanyis' isibane sam',

'Nkosi 'Thixo wami,

Uzakhanyisa kubona

Ubunyama bami.

29 Ngawe sengigijimile

Phakathi kwebutho,

NgeNkosi yami ngeqile

Phezulu komduli.

30 Iqondil' indlela yayo

'Nkosi, izwi layo

Lihloliwe, ilihawu

Kwabathemba kuyo.

31 Ngubani uNkulunkulu

Ngaphandle kweNkosi,

Kumbe nguban' olidwala

Ngaphandle kweNkosi.

32 KunguNkulunkulu onge-

mbathisa ngamandla,

Owenza indlela yami

Yona iphelele.

33 Wenz' inyawo zami zibe

Njengezezimpala,

Wangimisa endaweni

Zam' eziphezulu.

34 Ufundis' izandla zami

Ukulwa, kuthi-ke

Ingalo zami zephule

Idandil' lethusi.

35 Uyangipha isihlangu

Solwakh' usindiso,

Lesandla sok'nene sakho

Siyangisekela.

Labo ubumnene bakho

Bungenzile bona;

Mina ngaba nguy' omkhulu

Ngobumnene bakho.

36 Wena uzikhulisile

Izinyathelo zam'

Phansi kwezinyawo zami;

Kazitshelelanga.

37 Ngixotshil' izitha zami,

Ngazifumanisa,

Angibuyelanga futhi

Ngingaziqedanga.

38 Ngazilimaza-ke zona

Kazisavukanga,

Ziwile ngaphansi zona

Kwezinyawo zami.

39 Ngoba ungembathisile

Ngamandla empini,

Uthobisele ngaphansi

'Bangivukelayo.

40 Unginike izintamo

Ezezitha zami,

Ngize ngibachithe bonke

Abangizondayo.

41 Bakhala kodwa engekho

Ozabasindisa,

Lakuyo iNkosi, kodwa

Kayiphendulanga.

42 Ngabagaya njengothuli,

Luqhutshwa ngumoya,

Ngabatsahaza nje bona

Sadaka lwendlela.

43 Ungikhululile mina

Kuzo zona lezo

Inkani zabo abantu.

Wena ungenzile

Inhloko yabahedeni.

Bona labobantu

Engingazange ngibazi

Bazakungikhonza.

44 Bangavele bezwe ngami

Bazakulalela,

Abezizwe bazithobe

Bona phambi kwami.

45 Zona zonke izihambi

Ziyakubuna nya,

Zesabe zona kakhulu

Kundawo zensitha.

46 Iphilile yon' iNkosi,

Libusisw' idwala

Lam', iNkosi yosindiso

Kayiphakanyiswe.

47 KunguNkulunkulu yena

'Ngiphindiselayo,

Onqoba izizwe zonke

Zibe phansi kwami.

48 Ungikhulul' ezitheni

Ezami-ke, futhi

Usungiphakamisile

Ngaphezulu kwabo

Abangivukelayo m'na.

Usungikhulule

Kubo abantu bolaka

Ungikhululile.

49 Ngakho ngokubonga, Nkosi,

Phakathi kwezizwe,

Ngihubel' ibizo lakho,

Ngizakukubonga.

50 Ukhululo olukhulu

Uluph' inkos' yakhe,

Njalo uyasitshengisa

Sona isihawu

Kowakhe ogcotshiweyo,

Yena uDavida,

Kweyakhe yona inzalo,

Kube nininini.

Go to start

Isihlabelelo 19

Kumqondisi wokuhlabelela. Isihlabelelo sikaDavida.

1 Amazulu atshengisa

Udumo lweNkosi,

Lomkhathi utshumayela

Umsebenzi wayo.

2 Usuku lutshel' olunye,

Lobusuku labo

Butshengisa lon' ulwazi

Kobuny' ubusuku.

3 Akukho-ke inkulumo,

Awakho lamazwi,

Lapho izwi labo linga-

sezwakali khona.

4 Inhlokomo yabo yona

Iphumile futhi

Isiphumel' emhlabeni,

Emhlabeni wonke,

Lamazwi abo afika

'Mkhawulwen' womhlaba,

Umise phakathi kwawo

Idumba lelanga.

5 Elinjengomyen' ephuma

Kuyo indlu yakhe,

Lithokoza njengeqhawe

'Ligijim' umjaho.

6 Ukuhamba kwakhe khona

Sekuphumele-ke

Ekucineni kwezulu,

Yen' uhamba njalo

Emaphethelweni alo;

Akulalutho nje

Olufihliweyo kukho

Ukutshisa kwalo.

7 Oway' iNkosi umthetho

Wona uphelele,

Yiwo wona ophendula

Wona umphefum'lo.

Ubufakazi beNkosi

Buqinisekile,

Bona buhlakaniphisa

Yen' ongelalwazi.

8 EyeNkosi imilayo

Yonke ilungile,

Njalo iyajabulisa

Yona inhliziyo.

Owakhe uNkulunkulu

Wona-ke umthetho

Uhlanzekile njalo-ke

Ukhanyis' amehlo.

9 Ukuyesaba iNkosi

Mpela kucwebile,

Njalo-ke kuhlala kuze

Kube laphakade.

Izahlulelo zeNkosi

Ziqinisekile,

Impela zigezekile

Zilungile zonke.

10 Ziloyiseka kakhulu

Kulal' igolide,

Igolide elinengi

'Licengekileyo.

Zimnandi okwedlulayo

Zona izinyosi,

Njalo futhi izinyosi

Zon' ezilenhlanga.

11 Kanti eyakho inceku

Ilayiwe ngazo

Ekuzigcineni kwazo

Kulomvuz' omkhulu.

12 Ngubani na ozaziyo

'Ziphambeko zakhe?

Ngihlambululeke mina

Kwim'landu yensitha.

13 Gcin' inceku yakho kuzo

Ezokuzincoma,

Kazingabi lamandla bo

Khona phezu kwami.

Ngakho ngizakuba lakho

Khona ukuqonda,

Ngibe msulwa ecaleni

Lokon' okukhulu.

14 Kungathi wona amazwi

Awomlomo wami

Kanye lazo izizindlo

Zenhliziyo yami

Zemukelwe phambi kwakho,

Kuwe Nkosi yami,

Wena ungamandla ami,

Lay' umhlengi wami.

Go to start

Isihlabelelo 20

Kumqondisi wokuhlabelela. Isihlabelelo sikaDavida.

1 'Nkosi kayikulalele

Ngosuku lohlupho;

'Bizo leNkos' kaJakobe

Kalikuvikele.

2 Kayikuthumel' usizo

Luvel' kwezingcwele;

Akuqinise ngamandla

Avel' eZiyoni.

3 Akukhumbule-ke yonke

Im'nikelo yakho,

Njalo kakuwemukele

'Mhlatshelo wokutsha.

4 Manje ake akunike

Okumayelana

Layo inhliziyo yakho,

'Kenz' icebo lakho.

5 Siyakuthokoza kulo

Usindiso lwakho;

Njalo ebizweni lika-

Nkulunkulu wethu

Sizamis' iziboniso

Ezingezethu bo.

INkosi izagcwalisa

Izicelo zakho.

6 Khathesi ngiyazi mina

Ukuthi iNkosi

Isindis' umgcotshwa wayo;

Izakuzwa yena

Isezulwini elayo

Lona elingcwele,

Ngamandla asindisayo

'Sandla sokunene.

7 Abanye bathemb' inqola

Lamabhiza, kodwa

Thina sokhumbul' ibizo

LeNkosi uThixo.

8 Bayabuyiselwa phansi

Njalo sebewile,

Kodwa thina sivusiwe

Futhi simi nje mpo.

9 Ake usisize Nkosi;

Kungathi inkosi

Njalo kayisilalele

Lapho sibizayo.

Go to start

Isihlabelelo 21

Kumqondisi wokuhlabelela. Isihlabelelo sikaDavida.

1 Inkosi izathokoza

Emandleni akho,

Nkosi, kusindiso lwakho

Yothaba kakhulu.

2 Umnike izifiso ze-

yakhe inhliziyo;

Kawumncitshang' isicelo

Sendebe yakhe bo.

3 Umvikel' ngezibusiso

Zakho ukulunga;

Ubekil' ekhanda lakhe

'Mqhele wegolide.

4 Wacela kuwe impilo,

Wena wasumupha,

Ngitsho lobude bensuku

Ngokungapheliyo.

5 Lukhulu udumo lwakhe

Kusindiso lwakho;

Inhlonipho lobukhosi

Ubeke phez' kwakhe.

6 Ngob' umenze wambusisa

Ngokungapheliyo,

Wamthokozisa kakhulu

Ngobakho ubuso.

7 Ngoba yona le inkosi

Ithemb' eNkosini;

Ngaw' umusa woPhezulu

Kasoz' anyikinywa.

8 Isandla sakh' sizathola

Zonk' izitha zakho,

'Sokunene sofumana

Abakuzondayo.

9 Wena wobenza babenje-

ngeziko lomlilo;

Nges'khathi solaka lwakhe

'Nkosi yobaginya,

Ikuye intukuthelo;

Njalo-ke umlilo

Wothi wona ubaqede

Du, bona bonke bo.

10 Wochith' izithelo zabo

Khona emhlabeni,

Leyabo yona inzalo

Kubantwan' babantu.

11 Ngokuba bazimisela

Okubi ngakuwe,

Baceb' amaceb' amabi

Bengelakuwenza.

12 Wobenza bafulathele,

Nxa usulungisa

Imitshok' ezintanjeni,

Iqondiswe kubo.

13 Kawuphakanyiswe Nkosi,

Emandleni akho,

Sohlabela sidumise

Awakho amandla.

Go to start

Isihlabelelo 22 L.M.

Kumqondisi wokuhlabelela. Ngempala yokusa. Isihlabelelo sikaDavida.

1 Thixo wami, Thixo wami,

Yini na ungitshiyile,

Ukude lokungisiza

Lamazwi okukhala kwam'?

2 Thixo wami ngiyakhala

Emini, kodw' awungizwa,

Lesikhathin' sebusuku

Angilakho ukuthula

3 Kodwa uyingcwele wena,

O wena ohleziyo bo

Kuzo izibongo zakhe

Yena uIsrayeli bo.

4 Obaba bethu bathemba

Kuwe, bathemba wena bo,

Waze wena waba nguye

Obakhululayo bonke.

5 Bakhala khona kuwena,

Njalo bona bakhululwa,

Bathembela ngakuwena,

Abazange bayangiswe.

6 Kodwa ngingumswenya mina,

Futhi angisuy' umuntu,

Ngilihlazo ebantwini,

Bayangidelela bonke.

7 Bonke abangibonayo

Bayangihleka usulu,

Batubhul' umlomo; bani-

kina amakhanda bethi:

8 Wayethemba eNkosini,

Ethi yayizamkhulula,

Kayimkhulule sibone

Njengobana yayimthanda.

9 Kodwa wena unguye lo

Owangikhuph' esiswini,

Wangenza ngathemba ngise-

kuw' amabele kamama.

10 Ngalahlelwa ngakuwena

Kusukel' esizalweni,

UnguNkulunkulu wami

Kwasesiswin' sikamama.

11 Ungabi khatshana lami

Ngob' uhlupho luseduze,

Ngoba akakho yena-ke

Olakho ukungisiza.

12 Izinkunzi ezinengi

Sezingihanqile mina,

ZeBashan' ezilamandla

Sezingigombolozele.

13 Zakhamisela ngakimi

Imilomo yazo njenge-

siphangayo laso esi-

bhongayo-ke isilwane.

14 Ngithululwe njengamanzi,

Amathamb' am' ahlukene,

'Nhliziyo yam' okwengcino

Incibilikile kimi.

15 'Mandl' am' ome sadengezi,

'Limi lwam' lunamathele

'Mihlathin', ungilethile

Min' othulini lokufa.

16 Ngob' izinja zing'hanqile,

'Nhlangano yababi ingi-

valele; bangibhoboza

Izandla lenyawo zami.

17 Amathambo ami wona

Ngingawabala ngalinye,

Bangikhangele kakhulu,

Basebengijolozela.

18 Babelana ngezingubo

Zami omunye lomunye,

Benz' inkatho ngezembatho

Zami, bancintisana bo.

19 Kodwa kawungabi kude

Lami-ke, wena, o Nkosi,

Omandl' ami, phangisa bo

Ukuzangisiza mina.

20 Khulul' umphefum'lo wami

Kuyo yona-ke inkemba,

Isithandwa sami kuwo

Amandla awayo inja.

21 Ngisindise emlonyeni

Owaso-ke isilwane,

Ngoba wena ungizwile

Empondweni zezinyathi.

22 Ngizamemezel' ibizo

Elakho kubafowethu,

Phakathi kwalo ibandla

Ngizakukubonga wena.

23 Lin' abesaba iNkosi,

Ibongeni, lonke nzalo

KaJakobe, liyesabe

Lonke nzalo ka'Srayeli.

24 Kadelanga kenyanyanga

Inhlupho yohluphekayo,

Kafihlang' ubuso bakhe,

Kodwa wezwakala kuye.

25 Ukubongwa kwami koba

Ngaw' ebandlen' elikhulu,

Ngokhokhela izifungo

Phambi kwabamesabayo.

26 Abamnene bazakudla

Basuthe, babong' iNkosi

'Bay'dingayo; inhliziyo

Yenu yophila phakade.

27 Yonk' imikhawulo yezwe

Yokhumbula ibuyele

KwiNkosi, lezizwe zonke

Zizakhonza phambi kwakho.

28 Ngokuba umbuso wona

Ungowayo iNkosi le,

Iyiyo le engumbusi

Phakathi kwezizwe zonke.

29 Bonk' abakhulupheleyo

Emhlabeni bazakudla,

Kanjalo bazakukhonza;

Bonke abay' othulini

Bazakukhothama phambi

Kwakhe yena; njalo kakho

Ongaphilisa owakhe

Umphefum'lo ngokuthanda.

30 Inzalo izakumkhonza,

Njalo izakubalelwa

Ngakuyo iNkosi yona

Kuso isizukulwana.

31 Bazafika bafakaze

Khona ukulunga kwayo

Kubantu abazazalwa,

Ukuthi yenzile lokhu.

Go to start

Isihlabelelo 23

Isihlabelelo sikaDavida.

1 Umalusi wam' iNkosi,

Angiyikuswela,

Emadlelwen' aluhlaza

Iyangilalisa.

2 Ngasemanzin' okuphum'la

Iyangiholela,

Ibuye ivuselele

Umphefum'lo wami.

3 Endleleni zokulunga

Iyangiholela;

Akungenxa yami, kodwa

Ngal' ibizo layo.

4 Loba ngisuke ngihambe

Kuso isigodi,

Lethunzini lakh' ukufa,

Angesab' okubi.

Ngokuba wena ulami,

Lay' intonga yakho

Lalo udondolo lwakho

Kuyangiduduza.

5 Ungendlalel' itafula

Phambi kwezitha zam',

Ugcobil' ikhanda lami,

'Nkezo yam' igcwele.

6 Impel' okuhle lomusa

Kuzangilandela

Kuzo zonke izinsuku

Ezempilo yami.

Njalo sengizakuhlala

Phakathi kway' indlu,

Kuyo engeyay' iNkosi,

Kub' ephakadeni.

Go to start

Isihlabelelo 24

Isihlabelelo sikaDavida.

1 Umhlaba ungoweNkosi

Lokugcwala kwawo,

Izwe lonke, labo aba-

hlezi kulo lonke.

2 Ngokuba wawusekela

Phezu kwezinlwandle,

Wawumisa yena phezu

Kwazo impophoma.

3 Nguban' ozakwenyukela

Entaben' yeNkosi?

Ngubani ozakumana

'Ndawen' yay' engcwele?

4 Nguyen' olezandla zakhe

Ezigeziweyo,

Yena onhliziyo yakhe

Ehlanzekileyo.

Ngongaphakam'sang' owakhe

'Mphefum'l' ezenini,

Ongazange njal' afunge

Ngokuyinkohliso.

5 Uzakwem'kel' 'zibusiso

'Zivel' eNkosini,

Lokulunga kuNkulunkul'

Wosindiso lwakhe.

6 Yilesisizukulwana

Sabamdingayo bo,

Abading' ubuso bakho,

O wena, Jakobe.

7 Phakam'san' inhloko zenu,

Lina-ke masango,

Phakanyiswani minyango

Yasephakadeni;

Ukuze ingen' iNkosi

Yokukhazimula.

Ingubani iNkosi le

Yokukhazimula?

8 Yiyo iNkos' elamandla,

Impel' ilamandla,

YiNkosi elobuqhawe

Khona kuyo impi.

9 Phakam'san' inhloko zenu,

Lina-ke masango,

Yebo liyiphakamise,

M'nyango yaphakade,

10 Izangena-ke iNkosi

Yokukhazimula.

Ingubani iNkosi le

Yokukhazimula?

INkosi eyamabandla,

Iyiyo iNkosi,

Iyiyo iNkosi yona

Yokukhazimula.

Go to start

Isihlabelelo 25 S.M.

EsikaDavida.

1 Kuwe, wena Nkosi,

Ngiphakamisela

Umphefum'lo wami, kuwe

Ngiwuphakamise.

2 Nkosi ngikuthemba,

Kangingayangeki,

Zinganqobi phezu kwami

Izitha ezami.

3 Abakulindayo

Kabangayangeki,

Abonayo ngamabomu

Kababe lenhloni.

4 Ngitshengise Nkosi,

Izindlela zakho,

Ngifundise imikhondo

Yakho, Nkosi yami.

5 Kawungikhokhele

Mina-ke ngakulo

Lona iqiniso lakho,

Njalo ngifundise;

Ngoba uyiNkosi

Yosindiso lwami,

Kuwe ngizakulindela

Kulo lonk' usuku.

6 Khumbula bo Nkosi,

Isihawu sakho

Lobubele bakho, ngoba

Busuka phakade.

7 Ungazikhumbuli

'Zono zobutsha bam',

Leziphambeko ezami.

Ngaw' umusa wakho

Ngikhumbule mina.

Ngenxa yokulunga

Okwakho kuphela Nkosi

Ungikhumbule nje.

8 Ilungil' iNkosi,

Iqondile yona,

Ngakho izakufundisa

Izoni ngendlela.

9 Abamnene bona

Izabaqondisa

Ekwahluleni, lendlela

Yay' ibafundise.

10 Indlela zeNkosi

Ngum'sa leqiniso

Kwabagcin' uvumelwano

Lemilayo yayo.

11 Ngokwebizo lakho

Nkosi, uxolele

Isiphambeko sami-ke,

Ngokuba sikhulu.

12 Ngubani na yena

Owesab' iNkosi?

Yiyo ezakumfundisa

'Ndlel' ayikhethayo.

13 Umphefum'lo wakhe

Wohlal' uchelese,

Layo eyakhe inzalo

Yofuya ilizwe.

14 Imfihlo yeNkosi

'Kwabayesabayo,

Njalo izabatshengisa

Isivumelwano.

15 Amehl' am' ahlezi

Ebhek' eNkosini,

Ngob' ihlwith' inyawo zami

Khona embuleni.

16 Phendukela kimi,

Ungihawukele,

Ngokuba ngilesizungu,

Ngihluphekile m'na.

17 Inhlupho ezayo

Inhliziyo yami

Zibanzi, ngikhuphe mina

Kunhlupheko zami.

18 Bona uhlupho lwam'

Lobuhlungu bami,

Njalo uzixolele-ke

Zonk' izono zami.

19 Khangel' izitha zam',

Ngoba zinengi bo,

Ziyangizonda mina-ke

Ngenzondo yolunya.

20 Lond' umphefum'lo wam',

Njal' ungikhulule,

Ngingabi lanhloni, ngoba

Ngithembele kuwe.

21 Akuth' ubuqotho

Lakho ukuqonda

Ngilonde bo, ngoba mina

Ngilindele kuwe.

22 Nkulunkulu, mhlenge

Yen' uIsrayeli,

O Nkosi, kuzo zonke bo

Izinhlupho zakhe.

Go to start

Isihlabelelo 26

EsikaDavida.

1 Ngahlulele, wena Nkosi,

Ngoba ngihambile

Kubo ubuqotho bami,

Njalo ngithembile

Kuyo yon' iNkosi yami,

Ngenxa yakho lokhu

Mina angisoze ngibe

Ngisatshelela bo.

2 Ngihlolisise, o Nkosi,

Njalo ungilinge,

Uhlolisise izinso

Lenhliziyo yami.

3 Ngoba owakho umusa

Ukhona phambili

Kwamehlo ami, ngihambe

Ngeqiniso lakho.

4 Kangihlalanga lababi

Abantu kanjalo,

Kangihambanga labo nje

Abazenzisayo.

5 Ngilizondile ibandla

Labenza okubi,

Njalo angiyikuhlala

Labaxhwalileyo.

6 Ngizagez' izandla zami,

Ngoba sengimsulwa,

Ngizazingelez' ilathi

Elakho, o Nkosi.

7 Ukuze ngifakaze nge-

lizwi lokubonga,

Ngikhuluma ngazo zonke

'Zimangalis' zakho.

8 Nkosi ngithanda inhlalo

Yayo indlu yakho,

Lalaph' okuhlala khona

Inhlonipho yakho.

9 Kawungabuth' umphefum'lo

Wami laz' izoni,

Labo kuy' impilo yami

Labantu begazi.

10 Ngakuzo izandla zabo

Kukhona ububi,

Kwezokunene kugcwele

'Nzuzo yenkohliso.

11 Kodwa mina ngizahamba

Ebuqothweni bam',

Ngihlenge-ke, futhi ube

Lesihawu kimi.

12 Unyawo lwami lumile

Ebutshelezini,

Ngizabusisa iNkosi

Ngisemabandleni.

Go to start

Isihlabelelo 27

EsikaDavida.

1 INkosi iyikukhanya

Kwami losindiso

Lwami. Njalo-ke ngubani

Engizamesaba?

Inkosi yon' ingamandla

Awempilo yami,

Ngubani yena engiza-

kumesaba yena?

2 Nxa zon' izikhohlakali

Lazo izitha zam'

Lalabo abayizitha

Beza phezu kwami,

Ukuze bona bayidle

Yona inyama yam',

Bona-ke bayakhubeka,

Bawele phansi bo.

3 Lob' ibutho ling'hanqile

Kangiyikwesaba,

Lob' impi ingivukele

Kulokhu ngothemba.

4 Kunye engikufisayo

ENkosini, lokhu

Ngizadinga, ukuhlala

Endlini yeNkosi

Ngensuku zonk' zempilo yam',

Ukubon' ubuhle

BeNkosi, ngibuze ngise-

thempelini layo.

5 Ngoba ngaso isikhathi

Salo uhlupho bo,

Yona izakungifihla

Kwelayo idumba.

Kuy' insitha yendlu yayo

Izakungifihla,

Izakungibeka phezu

Kwalo idwala-ke.

6 Lakhathes' ikhanda lami

Lizaphakanyiswa

Phezulu kwezitha zami

'Zingihanqileyo.

'Thenteni layo ngoy'nika

'M'hlatshel' yentokozo.

Ngihlabelele ngihube

'Zibongo zeNkosi.

7 Zwana-ke, o Nkosi yami,

Lapha ngikhalayo

Ngezwi lami, ube lom'sa

Kim', ungiphendule.

8 Lapho usutshilo: Dinga

Ubuso obami;

Inhliziyo yami yathi:

Ngizakubudinga.

9 Ungaze wangifihlela

Obakho ubuso,

Ungayilahli inceku

Yakho olakeni.

Ubunguy' umsizi wami,

Ungangiyekeli,

Ungangitshiy', Nkulunkulu

Wosindiso lwami.

10 Lapho ubaba lomama

Bengitshiya mina,

Kuzakuth' iNkosi yami

Izangemukela.

11 Ngifundis' indlela yakho,

Nkosi, ngikhokhele

Endlelen' eqondileyo

Ngenxa yezitha zam'.

12 Ungaze wanginikela

Entandweni yazo,

Entandweni yezitha zam',

Zon' izitha zami.

Abafakazi bamanga

Sebengivukele,

Labo abaphefumula

Sona isihluku.

13 Ngabe ngadela-ke uba

Ngingakholw' ukuthi

Ngibon' ubuhle beNkosi

'Zwen' labaphilayo.

14 Lindela kuyo iNkosi,

Woba lesibindi,

Yoqinisa inhliziyo

Yakho, lind' iNkosi.

Go to start

Isihlabelelo 28

EsikaDavida.

1 Ngizakhala kuwe, Nkosi,

Wena dwala lami,

Ungavali izindlebe

Zakho zona kimi,

Hlezi nxa uthule mina

Ngifanane labo

Abawayo nxa besiya

Phansi emgodini.

2 Zwana izwi lokuncenga

Nxa ngikhala kuwe,

Nxa ngiphakamis' izandla

Kundawo engcwele.

3 Ungaze wangidonsa-ke

Lezikhohlakali,

Kanye labenzi bobubi,

Betsho ukuthula

Kubo-ke omakhelwane

Abangababo bo,

Kodwa ububi bukhona

Kwezab' inhliziyo.

4 Baphe njengezenzo zabo,

Njengenkohlakalo,

Eyemizamo yabo bo,

Banike-ke bona.

Baphe ngokwemisebenzi

Eyezandla zabo,

Ubanike khona lokho

'Kubafaneleyo.

5 Kabanak' imisebenzi

YeNkosi lokwenza

Kwezandla zayo, bochithwa

Bona bangakhiwa.

6 Kayibusiswe iNkosi,

Ngoba ilizwile

Lona-ke ilizwi lakho

Ukuncenga kwami.

7 INkos' ingamandla ami

Lelami ihawu,

Yona inhliziyo yami

Ithembela kuyo.

Njalo-ke sengisiziwe,

Lenhliziyo yami

Iyathokoza kakhulu,

Ngohlabela kuyo.

8 INkos' ingamandla abo,

Njalo ingamandla

Awakho ukusindisa

Ogcotshiwe wayo.

9 Sindisa abantu bakho,

Ubusise ifa

Lakho, ubondle bona bo

Ubaphakamise.

Go to start

Isihlabelelo 29

Isihlabelelo sikaDavida.

1 Nikanin' iNkos' udumo,

Lin' elilamandla,

Nikanin' iNkos' udumo

Njalo law' amandla.

2 Nikanin' iNkos' udumo

Lufanel' ibizo

Layo, likhonze iNkosi

Kubuhl' obungcwele.

3 Izwi leNkosi liphezu

Kwamanzi lomdumo;

INkosi ikhona phezu

Kwamanz' amakhulu.

4 Izwi leNkosi lilawo

Amandl' amakhulu,

Ilizwi leNkosi lilo-

dumo olukhulu.

5 Izwi leNkosi lephula

Imisedare, ye,

'Nkosi yephul' im'sedare

EseLebanoni.

6 Iyayenza iqolotshe

Njengalo ithole,

ILebanon' leSiriyon'

Sathole lenyathi.

7 Ilizwi leNkosi lona

Liyehlukanisa

Wona amalangabi-ke

Awawo umlilo.

8 Izwi leNkosi liyayi-

nyikiny' inkangala,

INkosi lay' inyikinya

EyaseKadeshi.

9 Ilizwi leNkosi lenza

Impala zizale,

Lihlubula amahlathi

Elayo ilizwi.

Ethempelini elayo

Bonke bon' abantu

Bakhulume ngal' udumo

Olwayo iNkosi.

10 INkosi ihlezi phezu

Kwempophoma, yebo,

INkos' ihlezi, ibusa

Kub' ephakadeni.

11 INkosi izakunika

Amandl' ebantwini,

Ibusis' abantu bayo

Ngokuthula kwayo.

Go to start

Isihlabelelo 30

Isihlabelelo. Ingoma yokwehlukaniswa kwendlu kaDavida.

1 Ngizakudumisa Nkosi,

Ngoba wena usu-

ngiphakamisile, njalo

Wenz' izitha zami

2 Zingajabuli phezu kwam'.

Nkosi, Mlimu wami,

Ngikhalile khona kuwe,

Ungisilisile.

3 Nkos' ukhuphile owami

'Mphefum'l' engcwabeni,

Ungigcinile ngiphila,

Ngingatshon' kumgodi.

4 Hlabelelan' eNkosini,

Lina ngcwele zayo,

Libonge ngokukhunjulwa

Kobungcwele bayo.

5 Ngob' ulaka lwayo lumi

Kodw' isikhatshana,

Khona emuseni wayo

Kukhona impilo.

Ukulila kuyahlala

Okobusuku nje,

Kodwa kuz' ukujabula

Khona ekuseni.

6 Njalo kikho khona uku-

phumelela kwami,

Ngitsholo ukuthi angi-

soze nginyikinywe.

7 Jehova, ngomusa wakho

Umis' intaba yam'

Yaqina, wafihl' ubuso

Bakho, ngahlupheka.

8 Ngikhalile kuwe Nkosi,

Njalo ngakuyona,

Sengenzile isicelo

Sami eNkosini.

9 Kulenzuzo bani lapho

Egazini lami,

Nxa ngingena khona kulo

Igodi phansi na?

Luzakukudumisa na

Lona lolothuli?

Lutshumayele ngalo na

Iqiniso lakho?

10 Zwana Nkosi, njalo ube

Lesihawu kimi,

Nkosi, woba nguye lowo

Ongumsizi wami.

11 Usukuguqule khona

Ukulila kwami

Wakwenza kwaba yikho nje

Khona ukusina.

Wangikhupha izigqoko

Zawo amasaka,

Wasungembathisa ngayo

Yona intokozo.

12 Ukuze udumo lwami

Lukuhlabelele

Zona indumiso kuwe,

Njalo lungathuli.

Nkosi, Nkulunkulu wami,

Ngizakukunika

Ukubongwa kuze kube

Lasephakadeni.

Go to start

Isihlabelelo 31

Kumqondisi wokuhlabelela. Isihlabelelo sikaDavida.

1 Kuwe Nkosi, ngiyathemba,

Ngingabi lanhloni,

Kawungikhulule wena

Ngokulunga kwakho.

2 Thob' indlebe yakho kimi,

Ngihleng' ngokutshetsha,

Ube 'dwal' eliqinile,

'Ndlu yosindiso lwam'.

3 Ngob' ulidwala elingi-

vikelayo, ngakho

Ngenxa yelakho ibizo

Ngihol' ngiqondise.

4 Ngixakulul' embuleni

'Bangithiye ngalo

Ensitha, njengokubana

Ungamandla ami.

5 Kusandla sakho nginika

Umoya wami nje,

Ungihlengile, o Nkosi,

Thixo weqiniso.

6 Ngizondile abananza

Amanga ayize,

Kodwa mina ngiyathemba

Khona eNkosini.

7 Ngizathaba, ngithokoze

Kusihawu sakho,

Ngokuba ucabangile

Usizi lwami-ke.

Wena usuwazile bo

Owami wona nje

Umphefum'lo uphakathi

Kwayo inkathazo.

8 Kawungivalelanga bo

Kusandla sesitha,

Umisil' inyawo zami

Kundawo ebanzi.

9 Ngihawukele o Nkosi,

Ngikulo uhlupho,

Usizi lungidl' ilihlo,

Lomoya lesisu.

10 Impilo yami ichithwa

Kusizi-ke, njalo

Iminyaka yami layo

Ekububuleni.

Amandl' ami ayaphela

Ngenxa yazo izi-

phambeko ezami, lawo

'Mathambo aphela.

11 Ngaba yinhlekisa kuzo

Izitha zam' zonke,

Langokukhethekileyo

Kubomakhelwane.

Njalo ngabesaba labo

Abazana lami,

Abangibonayo endle

Bangibalekela.

12 Ngilitshelwe engqondweni

Samunt' ofileyo,

Ngiyafanana lesitsha

Esephuliweyo.

13 Ngokuba sengikuzwile

'Kuhleb' kwenengi,

Ukwesaba kwangihanqa

Inhlangothi zonke.

Lapho benza amacebo

Amelana lami,

Beceba ukuyisusa

Yon' impilo yami.

14 Kodwa mina ngathembela

Kuwe, wena Nkosi,

Njalo ngangisithi: Wena

'NguNkulunkulu wam'.

15 Izikhathi zami zikho

Esandleni sakho,

Ngikhulule esandleni

Esezitha zami

16 Lakwabangizingelayo.

Khanyisa ubuso

Bakh' encekwini, uhlenge

Mina ngom'sa wakho.

17 Kangingayangeki Nkosi,

Ngibizile wena,

Kabayangeke ababi

Bathul' engcwabeni.

18 Kazithuliswe indebe

'Zikhulum' amanga,

Ziziqhenya ngokweyisa

Yen' olungileyo.

19 Hay' ubukhulu bobuhle

Bakh' obubekele,

Ubekele bona labo

Abakwesabayo,

Khona okulungisele

Wakusebenzela

Abathembela ngakuwe,

Kunzalo yabantu!

20 Uzabafihla ensitha

Yobukhona bakho,

Kukuzigqaja kwabantu.

Uzakubalonda,

Uzabagcina ngasese

Edumbeni lakho

Kukho ukuphikisana

Kwazo izindimi.

21 Kayibusiswe iNkosi,

Engibonisile

Um'sa way' oyisimanga

Kumuz' oyinqaba.

22 Ngokuba ngitshilo kukho

'Kuphangisa kwami,

Ngiqunyiwe phambi kwawo

Won' amehlo akho.

Kodwa-ke ulizwile nje

Lonk' ilizwi lami

Lakho ukuncenga kwami

Nxa ngikhala kuwe.

23 O, thandanini iNkosi

Lonk' bangcwele bayo.

Ngokuba yona iNkosi

Iyalondoloza

Bona abathembekayo.

Iyaphindisela

Bona abazigqajayo

Kakhulukazi bo.

24 Woba lesibindi, ngoba

Yen' uzaqinisa

Inhliziyo yenu, lina

Bathemb' eNkosini.

Go to start

Isihlabelelo 32

EsikaDavida. Masikhili.

1 Um'ntu low' uyabusiswa

Oxolelwe konke

Ukuphambeka, lesono

Sisibekelwe du.

2 Uyadel' umunt' iNkosi

Engambalelanga

Ubub', lemoyeni wakhe

Akalabuqili.

3 Ekuthuleni kwami zwi

Agug' amathambo

Ami ngokubhonga kwami

Usuku lonke nje.

4 Emini lasebusuku

Esakho isandla

Sibe nzima phezu kwami.

Ubumanzi bami

Sebuguquliwe baba

Njengakho khona-ke

Ukoma okwalo lona

Ihlobo lelo bo.

5 Ngasivum' isono sami

Kuwe, lab' ububi

Angibufihlanga kuwe

Ekusithekeni.

Ngathi: Ngizavum' kuNkosi

'Ziphambeko zami,

Waxolel' ububi baso

Esami isono.

6 Ngakho-ke bonke abale-

Nkosi bothandaza

Kuwe ngesikhathi onga-

tholakala ngaso.

Mpela esikhukhuleni

Samanz' amanengi

Kawasoz' afinyelele

Khona duze laye.

7 Wena uyindawo yami

Yokucatsha, njalo

Uzakungilondoloza

Kuzo inhlupheko.

Wena uzakungihanqa

Inhlangothi zonke

Ngazo izingoma zayo

Inkululo; yebo.

8 Ngizakulay' ngifundise

Indlela ozayi-

hamba wena, ngikuhole

Ngelami ilihlo.

9 Ungabi njengal' ibhiza,

Layo imbongolo,

Zona-ke ezingelakho

Ukuqondisisa.

Emlonyeni ziletomu

Ezibanjwa ngalo,

Hlezi zisondele khona

Eduzane lawe.

10 Insiz' ezinengi ziza

Kuzikhohlakali.

Othembele eNkosini

Wohanqwa ngumusa.

11 Thokozani eNkosini,

Abalungileyo,

Lijabule lina aba-

qoth' enhliziyweni.

Go to start

Isihlabelelo 33

1 Thokozani eNkosini,

Lina balung'leyo,

Ngoba khona ukubonga

Kufanel' oqotho.

2 Bongan' iNkosi ngechacho,

Hlabelan' ngogubhu,

Langechacho elentambo

Ezilitshumi-ke.

3 Yihlabeleleni yona

Ihubo elitsha,

Tshayanini kuhle, lenze

Umsindo omkhulu.

4 Ngoba ilizwi leNkosi

Phela liqondile,

Yonk' eyayo im'sebenzi

Yenz'wa ngeqiniso.

5 Iyathanda ukulunga

Lakho ukwahlula,

Umhlaba ugcwele ngakho

'Kulunga kweNkosi.

6 Ngalo ilizwi leNkosi

Amazul' enziwe,

Ngomoya womlomo wayo

Kwadalwa konkana.

7 Ibuthel' amanz' olwandle

Wonke njengenqwaba,

Iyabekel' ukutshona

Kuzo iziphala.

8 Kakuthi wonke umhlaba

Wesabe iNkosi,

Abahlez' ezweni bonke

Bame bay'hloniphe.

9 Ngoba yona yakhuluma,

Khona kwenzakala,

Yatsho owayo umlayo,

Kwema kwaqina nko.

10 INkos' ichitha icebo

Elabahedeni,

Yenz' amacebo abantu

Angaphumeleli.

11 Icebo leNkosi lima

Kub' ephakadeni,

Im'khumbulo yenhliziyo

Kuzizukulwana.

12 Siyadel' isizwe esi-

loThix' oyiNkosi,

Abant' ebakhethileyo

Babe 'lifa layo.

13 INkosi bo ikhangele

Isemazulwini

Iyabon' amadodana

Awabantu wonke.

14 Ikundawo yokuhlala

Ikhangela phezu

Kwabo bonke abahlali

Bawo won' umhlaba.

15 Iyazenza inhliziyo

Zabo zifanane,

Iyanakana-ke yonke

Im'sebenzi yabo.

16 Kayikh' inkos' esindiswa

Ngobunengi bempi,

'Siqhwaga asikhululwa

Ngamandl' amakhulu.

17 Ibhiza yinto eyize

Njengayo inqaba,

Lingekhulule loyedwa

Ngawalo amandla.

18 Bona, ilihlo leNkosi

Liphezu kwab' aba-

yesabayo, labathemba

Kuw' umusa wayo.

19 Ukukhulul' im'phefum'lo

Yabo kukh' ukufa,

Ukugcina bephilile

Lakuyo indlala.

20 Imiphefumulo yethu

Ilindel' iNkosi,

Ilusizo yona njalo

Lesihlangu sethu.

21 Ngoba inhliziyo yethu

Yothokoza kuyo,

Sithembele ebizweni

Layo elingcwele.

22 Akuthi umusa wakho,

O Nkos', ube phezu

Kwethu, njengalokhu thina

Sithembela kuwe.

Go to start

Isihlabelelo 34

EsikaDavida, eseguqule ukuziphatha kwakhe phambi kukaAbhimeleki, owamxotshayo wahamba.

1 Ngizayibonga iNkosi

Ngezikhathi zonke,

'Ndumiso zayo zihlala

Emlonyeni wami.

2 Umphefum'lo wami uza-

zincoma ngeNkosi,

Abathobekileyo ka-

bezwe bajabule.

3 Ye khulisani iNkosi,

Lina kanye lami,

Kasiphakamis' ibizo

Layo kanyekanye.

4 Ngayidinga yon' iNkosi,

Yabuya yangizwa,

Yasingikhulula kikho

Konk' ukwesaba kwam'.

5 Bona bakhangela kuyo,

Bakhanyiswa bonke;

Ubuso bab' abuzange

Bube lezinhloni.

6 Lo umyanga wasekhala,

INkosi yamuzwa,

Yamsindisa kuzo zonke

Inhlupheko zakhe.

7 Ingilosi eyeNkosi

Ibazungezile

Bona abayesabayo,

Iyabakhulula.

8 Nambithanini libone

Ukuthi iNkosi

Ilungil', ubusisiwe

'Munt' othemba kuyo.

9 Yesabeni yon' iNkosi,

Lin' bangcwele bayo,

Ngoba kakukh' ukuswela

Kwabayesabayo.

10 Izingonyama ezintsha

Ziswela, zilambe,

Kodwa abading' iNkosi

Kabaswel' okuhle.

11 Wozanini-ke bantwana,

Lilalele kimi,

Ngizathi ngilifundise

Ukwesab' iNkosi.

12 Ngubani umunt' ofisa

Impilo, othanda

Insuk' ezineng', ukuze

Abone okuhle?

13 Londa ulimi olwakho

Kokubi, lowakho

Umlomo ungakhulumi

Yona inkohliso.

14 Suka ebubini, wenze

Okulungileyo,

Dingisisa ukuthula

Njal' ukulandele.

15 Amehlo eNkos' aphezu

Kwabalungileyo,

Lendlebe zayo ziyezwa

Ukukhala kwabo.

16 Ubuso beNkosi bume-

lene lab' ababi,

Ukuqum' ukukhunjulwa

Kwabo emhlabeni.

17 'Balungileyo bakhala,

INkosi yabezwa,

Yabakhupha kuzo zonke

Inhlupheko zabo.

18 INkos' iseduze labo

'Bephuk' inhliziyo,

Iyabasindisa aba-

moy' odabukile.

19 Zinengi inhlupho zakhe

Ongolungileyo,

Kodw' iNkos' iyamkhulula

Kuzo zonke zona.

20 Iyagcina wonke wona

Amathambo akhe,

Kungephuki libe linye

Kuwo wona wonke.

21 Ububi buzabhubhisa

Okhohlakeleyo,

Labazond' abalungile

Bazatshabalala.

22 INkos' ihleng' umphefum'lo

Wezinceku zayo,

Othemba kuyo iNkosi

Kasoze alahlwa.

Go to start

Isihlabelelo 35

EsikaDavida.

1 O Nkosi, melana labo

Abamelana lam',

Ulwe wena labo bonke

Abangilwisayo.

2 Uthathe lona ihawu

Laso isihlangu,

Ungivikel', ungimele,

Ube lusizo lwam'.

3 Hwatsh' umkhonto, uvimbele

Abangihluphayo,

Utsho kumphefum'lo wami,

Ngilusizo lwakho.

4 Kabaphanjaniswe bona,

Njalo bayangiswe

Labo abawudingayo

Umphefum'lo wami.

Kababuyiselwe emva,

Bahlatshwe ngenhloni

Abangicebela bona

Ukungona mina.

5 Kababe njengamakhoba

'Phephethwa ngumoya,

Ingilosi eyeNkosi

Kayibaxotshe nje.

6 Ibe mnyam' indlela yabo

Njalo itshelele,

Lengilosi eyeNkosi

Kayibazingele.

7 Singekho isizatho bo

Sebengifihlele

Lona elabo imbule

Phakathi komgodi.

Okuthi nje kungelaso

Sona isizatho

Bawugebhele umgodi

Umphefum'lo wami.

8 Kayehlele phezu kwakhe

Yon' im'cibitshelo

Engayilindele, njalo

Elakhe imbule

Alifihlileyo kali-

mbambe umninilo.

Yona ley' incithakalo

Umyekele awe.

9 Uzajabul' umphefum'lo

Wami eNkosini,

Uzathokoza impela

Kusindiso lwayo.

10 Wonk' amathamb' ami othi:

Nkosi ngubani na

Ofana lawe, ohlenga

Ongumyanga kuye,

Kolamandla kulaye bo,

Yebo, ongumyanga

Laye oswelayo kuye

Yena omphangayo?

11 Kwavuka abafakazi

Abamanga wodwa,

Bengicala ngemilandu

Engingayaziyo.

12 Bangivuza okubi bo

Ngokuhle, ukuze

Bona bawuphange wona

Umphefum'lo wami.

13 Kodwa mina, nxa begula,

Izigqoko zami

Zona zazingamasaka,

Ngawuthobisa bo

Owami umphefumulo

Ngokuzila, njalo

Owami umthandazo bo

Ubuyele kimi.

14 Ngaziphatha kwangazani

Laye nje ngumngane

Wami kumbe umfowethu,

Ngaz'thobela phansi

Ngothobeko olukhulu,

Njengaye yena lo

Olilela unina nje,

Yena ongasekho.

15 Kodwa bona bathokoza

Ngisenhluphekweni,

Babuthana ye ababi

Emhlanganwen' yabo.

Bangihlanganisile nje

Mina bengingazi

Bangihlikizile bona

Kabayekelanga.

16 Belabazenzisi aba-

ngiklolodelayo,

Bangigedlel' amazinyo

Awabo-ke bona.

17 Nkosi koze kube nini

Ulokh' ukhangele?

Kawubuyise owami

Wona umphefum'lo

Kuzo izincithakalo,

Njalo lomthandwa wam'

Kuwo wona amandl' abo

Azo izilwane.

18 Ngizakubong' ebandleni

Elikhulukazi,

Ngikudumise phakathi

Kwabaneng' abantu.

19 Ungabavumeli labo

Abayizitha zam'

Ngaphandle kwesizatho-ke

Bajabule ngami.

Ungabavumeli njalo

Bengiciyozela

Ilihlo abangizonda

Ngaphandl' kwesizatho.

20 Kazikhulum' ukuthula,

Ziceba amanga

Ngalabo abathuleyo

Khona elizweni.

21 Yebo bangikhamisele

Imilomo yabo,

Bethi: Aha ha, ilihlo

Lethu limbonile.

22 Lokhu ukubonile bo,

Nkosi, ungathuli,

Kawungathuli, o Nkosi,

Ungabi kude lam'.

23 Zivuse uvukele-ke

Ilungelo lami

Lendaba yam', Nkulunkulu

Wami, Nkosi yami.

24 Ngahlulele Nkosi, Thixo

Wami, ngokulunga

Okwakho, kabangaze ba-

jabula phezu kwam'.

25 Kabangatsho enhliz'yweni

Zab' ukuthi: Aha

S'yakufuna, kabangatsho:

Simginyile yena.

26 Kababe lenhloni njalo

Baphambane bonke

Abathokoza nxa bengi-

limaza mina nje.

Bagqokise ngezinhloni

Njalo lendumazo

Lab' abazikhukhumeza

Khona phambi kwami.

27 Kabajabule ngomsindo

Njalo bathokoze

Labo abathandanayo

Lokulunga kwami.

Kayikhuliswe iNkosi,

Ngoba ilothando

Kukho ukuphumelela

Kway' inceku yayo.

28 Njalo olwami ulimi

Lukhuluma ngakho

Ukulunga lokubonga

Kwakho usuk' lonke.

Go to start

Isihlabelelo 36

Kumqondisi wokuhlabelela. EsikaDavida, inceku kaNkulunkulu.

1 Isono somubi sithi

Kunhliziyo yami:

Kakukho ukuyesaba

INkos' 'mehlwen' akhe.

2 Uyazikhohlisa yena

Emehlweni akhe,

Kuze kuficwe icala

Lakhe lizondeka.

3 Amazwi omlomo wakhe

'Bubi lenkohliso,

Uyek' ukuhlakanipha

Lokwenza okuhle.

4 Uyaceb' ukungalungi

Elel' ecansini,

Umi endleleni embi,

Kabali ububi.

5 Isihawu sakho, Nkosi,

Sisemazulwini,

Njal' ukuthembeka kwakho

Kufik' emafini.

6 Ukulunga kwakho khona

Kufanana lazo,

Kunjengalezozintaba

Ezinkulukazi.

'Zigwebo zakho zijule

Kakhulu; o Nkosi,

Uyalondoloz' abantu

Lezinyamazana.

7 Hayi ubuhle bothando

Olomusa wakho,

O Nkulunkulu, ngakho-ke

'Bantwana babantu

Bona-ke bayalibeka

Ithemba elabo

Ngaphansi komthunzi wawo

Amaphiko akho.

8 Bosuthiswa ngamanono

Endlu yakho mpela.

Ubanathis' imifula

Yenjabulo yakho.

9 Ngoba kuwe kulomthombo

Wayo yon' impilo,

Ekukhanyen' kwakho siza-

bona ukukhanya.

10 Qhubela umusa kubo

'Bakwaziyo wena,

Lokulunga kwakho kubo

'Banhliziy' eqotho.

11 Yal' ukuth' unyawo loku-

ziqhenya lung'khube,

Lesandla somkhohlakali

Singisuse mina.

12 Nampo abenza okubi

Bawile, baphoswa

Phansi, njalo kabasoze

Baphinde bavuke.

Go to start

Isihlabelelo 37

EsikaDavida.

1 Ungabozikhathaza bo

Ngabenza okubi,

Ungabi lamona ngabo

Abenza okubi.

2 Ngoba masinya baqunywa

Njengabo utshani,

Babune njengezimila

Zon' eziluhlaza.

3 Themb' iNkosi, wenze khona

Okulungileyo,

Wohlala ezweni, qotho

Uzakondliwa-ke.

4 Jabula njal' eNkosini,

Njal' izakunika

Zona izifiso zayo

Inhliziyo yakho.

5 Nikela indlela yakho

ENkosini, themba

Kuyo, izakukwenzela

Konke kuphelele.

6 Izaveza ukulunga

Okwakho njengakho

Ukukhanya, lokugweba

Kwakho okwemini.

7 Phumula eNkosini-ke,

Njalo-ke ulinde

Ngokubekezela kuyo.

Ungazikhathazi

Ngenxa yophumelelayo

Endleleni yakhe,

Ngenxa yomuntu esenza

Amaceb' amabi.

8 Yekel' ukuthukuthela,

Utshiye ulaka,

Ungazihluphi lakanye

Ngokwenza okubi.

9 Ngoba abenzi bobubi

Bazaqunywa juqu,

Abalinda eNkosini

Bazakudla izwe.

10 Sekuyisikhatshana nje

Omubi aphele,

Cingisis' indawo yakhe

Ungakuyibone.

11 Kodwa abachumileyo

Bazakudla izwe,

Ngobunengi bokuthula

Bazithokozise.

12 Okhohlakeley' uceba

Ngay' olungileyo,

Egedla phezulu kwakhe

Ngamazinyo akhe.

13 INkosi izakumhleka,

Ngoba iyabona

Ukuthi usuku lwakhe

Luzakumfikela.

14 Abakhohlakeleyo ba-

hwatshile inkemba,

Bagobis' umtshoko wabo,

'Kubawisa phansi

Abampofu labasweli,

Ukubabulala

Bona abaqondileyo

Ekuziphatheni.

15 Inkemba yab' izangena

Kwezab' inhliziyo,

Imitshoko yabo iza-

kuqanyulwa yonke.

16 Okuncinyane alakho

Yen' olungileyo

Kudlul' inotho yababi

Bona abanengi.

17 Ngoba ingalo zababi

Zizephulwa zonke,

Kodw' iNkosi iyamisa

Abalungileyo.

18 Izinsuku zabaqotho

INkos' iyazazi,

Ilifa labo lohlala

Kube njalo njalo.

19 Abayikuba lenhloni

Ngesikhath' esibi,

Langensuku ezendlala

Bazakusuthiswa.

20 Kodw' ababi bazabhubha,

Lezitha zeNkosi

Njengamafutha ezimvu

Zotshiswa ziphele.

21 Ababi bayaboleka

Bengabuyiseli,

Olungiley' ulomusa

Njalo uyaphana.

22 Ababusisiwe nguye

Ilizwe ngelabo,

Kanti abathukiweyo

Bazaqunywa bonke.

23 Uhambo lolungileyo

Luphethwe yiNkosi,

Njalo yona ijabula

Endleleni zakhe.

24 Lanxa esiwa kayiku-

lahlwa phansi yena,

INkosi iyamsiza-ke

Ngesayo isandla.

25 Sake sakhon' isikhathi

Engangisemutsha,

Manje sengimdala mina,

Kang'zange ngimbone

Olungileyo elahlwa,

Njalo lenhlalweni

Yenzalo yakhe ihamba

Icela ukudla.

26 Uhlezi elesihawu,

Osukwini lonke

Ubolekisa, lenzalo

Yakh' iyabusiswa.

27 Suka ebubini bonke,

Wenze khona lokhu

Okulungileyo, njalo

Uhlale lanini.

28 Ngoba iNkosi ithanda

Son' isahlulelo,

Njalo kayiy'kubadela

Abangcwele bayo.

Bona balondoloziwe

Ngokungapheliyo,

Kodwa inzalo yababi

Izaqunywa juqu.

29 Olungileyo uzadla

Ilifa lelizwe,

Uzahlala-ke phakathi

Kwalo njalonjalo.

30 Umlomo wolungileyo

Utsh' inhlakanipho,

Lolimi lwakhe luyatsho

Ngakh' ukwahlulela.

31 Umthetho weNkosi yakhe

Usenhliziyweni,

Alikh' inyathelo lakhe

Elizatshelela.

32 Okhohlakeley' ulinda

Yen' olungileyo,

Njalo adingisise bo

Ukuz' ambulale.

33 'Nkosi kayiyikumtshiya

Esandleni sakhe,

Kayisoze-ke imlahle

Nxa egwetshwayo-ke.

34 Lindela yona iNkosi,

Njal' ugcin' indlela

Yayo, njalo izakuku-

phakamisa wena,

Uwudle umhlaba; lapho

'Bakhohlakeleyo

Bequnyiwe bathi juqu,

Wen' uzakubona.

35 Ngimbonil' omubi lapho

Emandl' amakhulu

Enaba njengesihlahla

'Siluhlaza tshoko.

36 Kanti wanyamalala bo,

Akaz' aba khona,

Yebo ngamdinga yena-ke,

Kodwa kazatholwa.

37 Nanzelel' opheleleyo,

Nanzelel' oqotho,

Ngob' ukucina konjalo

Kuyikuthula nje.

38 Ngoba abaphambukayo

Bazakubhujiswa,

Ukucina kwab' ababi

Kuzaqunywa juqu.

39 Kodwa usindiso lwabo

'Balungileyo ngo-

lweNkos', ingamandla abo

Ngosuku lohlupho.

40 INkosi izabasiza

Bona, njalo iza-

bakhulula bona; iba-

khulule kubona

Labo abayizo zona

Izikhohlakali,

Ibasindise, ngokuba

Bathembela kuyo.

Go to start

Isihlabelelo 38

Isihlabelelo sikaDavida, ukukhumbuza.

1 Nkosi, ungangithethisi

Nxa uthukuthele,

Ungangijezisi mina

Nxa ungathokozi.

2 Ngoba imitshoko yakho

Ungiciba ngayo,

Las' isandla sakho sifi-

thizel' ngobuhlungu

3 Akukh' ukuphila kuyo

Yon' inyama yami

Ngesizatho sakho khona

Ukuzonda kwakho.

Mpela akukho sibili

Khon' ukuphumula

Lasemathanjeni ami

Ngenxa yesono sam'.

4 Ububi bam' sebedlule

Phezu kwekhanda lam',

Njengomthwalo osindayo

Buyangisinda bo.

5 Izilonda zami ziya-

nuka njalo zona

Zenyanyeka ngenxa yabo

Ubuthutha bami.

6 Sengihluphekile mina,

Ngikhokhoba mpela,

Ngihamba ngilila mina

Ilanga lonke nje.

7 Ngoba ekhalweni lwami

Kugcwele isifo,

Futhi kakulakuphila

Enyameni yami.

8 Sengidinwe ngadabuka

Sibili, ngakhala

Ngokusol' okubuhlungu

Kwenhliziyo yami.

9 Nkosi, zonk' izifiso zam'

Ziphambili kwakho,

Njalo ukububula kwam'

Kusobala kuwe.

10 Yaphefuzel' inhliziyo

Yam', iphel' amandla,

Ukukhanya kwamehl' ami

Sekungitshiyile.

11 Abathandana lam' bema

Kude ngitshayiwe,

Lezihlobo zami zima

Zikhatshana lami.

12 Lalabo abadingayo

Yon' impilo yami

Bengithiya, labadinga

Owami umona

Bakhulum' amazw' amabi,

Futhi banakana

Befunisela amanga

Usuku lonke nje.

13 Mina-ke njengesacuthe

Angizange ngizwe,

Ngaba njengesimungulu

'Singavul' umlomo.

14 Ngakho ngaba nguy' umuntu

Ongelakh' ukuzwa,

Njalo emlonyeni wakhe

Akukh' ukukhuza.

15 Ngoba ngakuwe, o Nkosi,

Mpela ngiyathemba,

Wena uzakuzwa, Nkosi,

Nkulunkulu wami.

16 Ngoba mina ngatsh' ukuthi:

Ake ungizwe-ke

Hlezi bona bathokoze

Khona phezu kwami,

Nxa lona unyawo lwami

Selutshelela bo,

Bazikhulise-ke bona

Bamelane lami.

17 Ngilungele ukuqhula,

Njal' usizi lwami

Lukhona ngaphambi kwami,

Lumi njalo njalo.

18 Ngoba sengizakwazisa

Bon' ububi bami,

Njalo ngizaba losizi

Ngas' isono sami.

19 Izitha zam' ziphilile,

Futhi zilamandla,

Labangizondayo ngeze

Bona sebandile.

20 Ababuyisel' ububi

Endawen' yobuhle

Bayizitha zami, ngoba

Ngilandel' okuhle.

21 O, ungaze wangitshiya,

Wena Nkosi yami,

Nkulunkulu wam', ungabi

Khatshana lami bo.

22 Ungabi khatshana lami,

Ukuz' ungisize,

Njalo phangisa, o Nkosi

Yosindiso lwami.

Go to start

Isihlabelelo 39

Kumqondisi wokuhlabelela. KuJeduthuni. Isihlabelelo sikaDavida.

1 Ngathi: Ngizananzelela

Izindlela zami,

Ukuze ngingoni ngalo

Lon' ulimi lwami.

Ngizalond' umlomo wami

Ngesayeke kuwo,

Lapho ababi bekhona

Yebo phambi kwami.

2 Ngathula-ke ngathi cwaka,

Ngazithulela nje

Lekulungeni, usizi

Lwami lwavuka bo.

3 Inhliziyo yam' phakathi

Yatshisa, umlilo

Watshisa ngisanakana,

Ngatsho ngolimi lwam':

4 Nkosi ngazis' isiphetho

Lezinsuku zami

Ukuze ngiqedisise

'Buthakathaka bam'.

5 Khangel' wenzile insuku

Zami zalingana

Lobubanzi besandla bo,

Leminyaka yami

Kayis' into phambi kwakho.

Mpela wonk' umuntu

Kubungcono bakh' uyize

Ngokupheleleyo.

6 Impela wonke umuntu

Uhambela ize,

Sibili kachelesanga

Kungelasizatho.

Uyabuthelel' imfuyo

Ize ib' enengi,

Kodwa engazi ukuthi

Yobuthwa ngubani.

7 Manje-ke khathesi, Nkosi,

Ngisalindeleni?

Lona ithemba elami

Lingakuwe wedwa.

8 Ngisindise kuzo zonke

'Ziphambeko zami,

Ungangenzi inhlekisa

Yeziphukuphuku.

9 Ngaba yisimungulu nje,

Kangavul' umlomo,

Ngenxa yokuthi-ke wena

Ukwenzile lokhu.

10 Susa ukutshaya kwakho

Khona phezu kwami,

Sengidliwe yikutshaywa

Kwesakho isandla.

11 Nxa ulungisa umuntu

Ngokulaya kwakho,

Ngenxa yesiphambeko-ke

Ubuhle obakhe

Ubutshabalalisa du

Njengal' ivevane;

Ngeqiniso wonk' umuntu

Ulize impela.

12 Zwana umthandazo wami,

O Nkosi, lalela

Ukukhala, lem'nyembezi

Kawungathuli bo.

Ngoba ngingowasemzini

Kuwe lesihambi,

Njengabo bonke obaba

Bona babe njalo.

13 Ngiyekele-ke ngizuze

Amandla phambili

Kokuthi ngisuke lapha,

Ngingasabi khona.

Go to start

Isihlabelelo 40

Kumqondisi wokuhlabelela. Isihlabelelo sikaDavida.

1 Ngalindela eNkosini

Ngokubekezela,

Yazithobela ngakimi,

Yezw' ukukhala kwam'.

2 Yangikhupha emgodini

Owesabekayo,

Exhaphozini lodaka

Yona yangikhupha.

Edwaleni yazimisa

Izinyawo zami,

Yabuye yaziqinisa

Izinyathelo zam'.

3 'Ngoma entsha yayibeka

Emlonyeni wami,

Layo indumiso kuye

'Nkulunkulu wethu.

'Banengi bazakubona,

'Banengi besabe,

Njalo bathembele kuyo

Ke yona iNkosi.

4 Lowomunt' ubusisiwe

Oyenzayo yona

INkosi ibe yilona

Elakhe ithemba.

Ongahloniphiyo bona

'Bazigwabisayo,

Labo abaphendukela

Kuwona amanga.

5 Minengi, Nkosi Thixo wam',

Im'sebenzi yakho

Yona emangalisayo,

Uyenzile wena

Lay' imikhumbulo yakho,

Yon' eqonde thina,

Ayingebalwe-ke kuwe

Ngokulandelana.

Nxa ngingayitshumayela,

Ngikhulume ngayo,

Iyedlula ukuthi-ke

Ingabalwa yona.

6 Umhlatshelo lomnikelo

Wena kawufisi,

Izindlebe zami zona

Wen' uzivulile.

Umnikelo otshiswayo

Wena kawufuni,

Lomnikelo owesono

Wena kawufuni.

7 Ngakho ngathi: Akubone

Ngiyafika mina,

Kuwo umqulu wogwalo

Kulotshiwe ngami.

8 Ngithokoza ngokuyenza

Intando yakho nje,

Nkosi yam', umthetho wakho

Usenhliz'ywen' yami.

9 Ngitshumayel' ukulunga

'Mhlanganwen' omkhulu,

Angibambanga indebe,

Nkosi uyakwazi.

10 Angifihlanga 'kulunga

Kwakho enhliz'yweni,

Ngakhuluma uthembeko

Losindiso lwakho.

Angifihlanga uthando,

Law' umusa wakho,

Njalo leqiniso lakho,

Kumhlangan' omkhulu.

11 Ungavali ububele

Bakho, Nkosi, kimi,

Iqiniso lom'sa wakho

Kungilonde njalo.

12 Ngob' ubub' obungebalwe

Sebungiphahlile,

Zangibamb' izono zami,

Angibhek' phezulu.

Zinengi kulezinwele

Zal' ikhanda lami,

Ngakho inhliziyo yami

Ingehlule mina.

13 Ake uthande, o Nkosi,

Ukungikhulula,

Nkosi, ake uphangise

Ukusiza mina.

14 Kababe lenhloni njalo

Badunyazwe kanye

Abafisel' umphefum'lo

Wam' ukuwuchitha.

Abaxotshelwe emuva

Babe lamahloni,

Bona abangifisela

Khona okubi bo.

15 Kabachitheke bo ngenxa

Yezinhloni zabo,

Abatshoyo khona kimi

Bethi: Aha! Aha!

16 Kakuthi bona bonke nje

Abadinga wena

Bathokoze, njalo-ke ba-

jabule kuwena.

Kuthi labo abathanda

Olwakh' usindiso

Baphikelele ukuthi:

Yinkulu iNkosi!

17 Kodwa mina ngingumyanga

Ngingosweleyo nje,

Kodwa-ke uNkulunkulu

Uyangikhumbula.

Wena ungumsizi wami

Lomkhululi wami,

Ungaze walibala bo,

Nkulunkulu wami.

Go to start

Isihlabelelo 41

Kumqondisi wokuhlabelela. Isihlabelelo sikaDavida.

1 Ubusisiwe yenalo

Onanza umyanga;

INkosi izamkhulula

Kusuku lohlupho.

2 INkos' izamlondoloza,

Imgcine ephila,

Njalo uzakubusiswa

Phezu kwaw' umhlaba.

Njalo wena kawusoze

Waze wamnikela

Kuyo intando yezitha,

Zona lez' ezakhe.

3 Izamqinisa iNkosi

Kumbheda wenhlupho;

Uzalungis' icans' lakhe

Lonke lokugula.

4 Ngathi: Nkos' ngihawukele,

Yelaph' umphefum'lo,

Ngoba sengonile mina

Khona phambi kwakho.

5 Izitha zami ziyatsho

Konk' okubi ngami,

Bethi: Uzakufa nini,

Lelakhe ibizo?

6 Lapha yena ezokungi-

bona mina, yena

Ukhuluma lona ize.

Inhliziyo yakhe

Ibuthelela ububi

Ngaphakathi kwayo,

Nxa ephuma ukhuluma

Ngakho khona lokho.

7 Bonke abangizondayo

Bayanginyeya-ke,

Bayangenzel' amacebo

Okungilimaza.

8 Bathi: Isifo esibi

Simnamathele mpa,

Njalo khathesi ulele,

Kasoze avuka.

9 Yeb' umngane wami engi-

methembayo, udla

Isinkwa sam', eqaphise

Isithende sakhe.

10 Kodwa wena, Nkosi yami,

Ngihawukele m'na,

Ungiphakamise wena,

Ngibaphindisele.

11 Ngalokho ngazi ukuthi

Wen' uyangithanda,

Ngob' isitha sami kasi-

nqobi phezu kwami.

12 Kodwa min' uyangilonda

Kubuqotho bami,

Ungibeke ebusweni

Bakho njalo njalo.

13 Kabusisw' uNkulunkulu

'Nkosi ka'Srayeli

Njalo ngokungapheliyo.

Amen' loAmeni.

Go to start

Isihlabelelo 42

Kumqondisi wokuhlabelela. Masikhili, eyamadodana kaKora.

1 Njengendlunzele yomele

Umfula wamanzi,

Unjal' umphefum'lo wami

Womel' wena, Thixo.

2 Umphefum'lo wam' womele

UThix' ophilayo,

Ngizakuza nini ngime

Phambi kukaThixo?

3 Inyembezi ziyikudla

'Mini lebusuku,

Lapho babesithi kimi:

'Ngaph' iNkosi yakho?

4 Nxa ngikhumbul' lezizinto,

Ngithulul' umoya

Wami, ngoba ngangihamba

Labo abanengi,

Ngaya labo kundlu yayo

INkosi, ngelizwi

Lokuthaba lendumiso

Labagcin' umkhosi.

5 Udanelani kangaka,

Mphefumulo wami?

Yini na bo ungachumi

Ngaphakathi kwami?

Themba eNkosini, ngoba

Ngisezadumisa

Yona, ngenxa yal' usizo

Olobuso bayo.

6 Nkosi yami, umphefum'lo

Wami udanile

Ngaphakathi kwami; ngakho

Ngizakukhumbula

Ngiselizweni lon' ele-

Jordane, khona le-

Hermoni, njalo ngikuyo

Intaba yeMizar'.

7 Ziyabizana inziki

Ngamanz' ehlokoma,

Wonke won' amagagasi

Angigubuzele.

8 Kube kant' iNkosi yona

Izawulawula

Umusa othandekayo

Way' okhon' emini,

Lasebusuku ihubo

Elayo likimi,

'Mkhuleko wam' eNkosini

Eyempilo yami

9 Ngizakuthi eNkosini:

Wena dwala lami!

Kubangelwa yini na bo

Ungikhohlwe mina?

Yini na mina ngihamba

Ngingolilayo nje

Ngenxa yembandezelo-ke

Eyesitha sami?

10 Sankemba kumathamb' ami,

'Zitha zangihlaza,

Bathi kimi nsuku zonke:

'Ngaph' uMlimu wakho?

11 Udanelani kangaka,

Mphefumulo wami?

Yini na bo ungachumi

Ngaphakathi kwami?

Themba eNkosini, ngoba

Ngisezadumisa

Yon', ukusila kobuso

Bam' leNkosi yami.

Go to start

Isihlabelelo 43

1 Ngahlulele mina, Nkosi,

Uyimel' indaba

Yami, laso isizwe-ke

Esingalunganga.

Kawungikhulule mina

Kuy' eyenkohliso

Njalo lakuyo indoda

Yon' engalunganga.

2 Ngoba uyiNkosi yawo

Awami amandla,

Kungani na ungilahla

Khonale kude na?

Kungani na mina mpela

Ngihamba ngikhala

Ngenxa yembandezelo ye-

sitha sami sona?

3 Thumel' ukukhanya kwakho,

Leqiniso lakho,

Kungikhokhele, kungise

Entabeni yakho.

Entabeni yakh' engcwele

Lezindlini zakho.

Khona ngoya elathini

LikaNkulunkulu,

4 KuNkulunkul' wenjabulo

Yami enkulu-ke.

Ngizakudumis' ngechacho,

Thixo, Nkosi yami.

5 Udanelani kangaka,

Mphefumulo wami?

Yini na bo ungachumi

Ngaphakathi kwami?

Themba eNkosini, ngoba

Ngisezadumisa

Yon', ukusila kobuso

Bam', leNkosi yami.

Go to start

Isihlabelelo 44

Kumqondisi wokuhlabelela, esamadodana kaKora, Masikhili.

1 Sizwile ngendlebe zethu,

O Nkosi, obaba

Basitshela umsebenzi

Wakho wasendulo.

2 Waxotsha ngesandla sakho

Izizwe, kodwa-ke

Wabamisa, wazihlupha,

Wazilahla zona.

3 Kabazuzanga ilizwe

Ngeyabo inkemba,

Njalo leyabo ingalo

Ayibasizanga.

Kwenziwa yingalo yakho,

Lesandla sok'nene,

Lok'khanya kobuso bakho,

Ngob' ubathandile.

4 Uyinkosi yami wena,

O Nkosi, lawula

Zona izinkululeko

EzikaJakobe.

5 Ngawe sawisa izitha,

Ngelakho ibizo

Sobanyathelela phansi

'Basivukelayo.

6 Ngoba angiyikuthemba

Idandili lami,

Futhi leyami inkemba

Kayingisindisi.

7 Kodwa usisindisile

Ezitheni zethu,

Ubayangisile bona

Abasizondayo.

8 Sizazincoma ngeNkosi

Kulo lonk' usuku,

Silidumise ibizo

Lakho njalo njalo.

9 Kodwa ususilahlile,

Saba lamahloni,

Njalo kawuphumanga-ke

Lamabutho ethu.

10 Usenzile sahlehlela

Ezethu izitha,

Labo abasizondayo

Bayaziphangela.

11 Ususinikele njenge-

zimvu zokudliwa,

Wasihlakaza phakathi

Kwabo abezizwe.

12 Uthengisile abantu

Bakho ngalo ize,

Kayande inotho yakho

Ngentengiso yabo.

13 Usenze saba lihlazo

Kub' abakhelwane,

Seyiswa siyinhlekisa

Kwesihlezi labo.

14 Ususenze inhlekisa

Kubo abezizwe,

Ukunikin' kwamakhanda

Phakathi kwabantu.

15 Ukudideka kwami-ke

Kuphambi kwam', njalo

Lenhloni zobuso bami

Zingigubuzele.

16 Ilizwi longigconayo

Lelongithukayo,

Kungenxa yaso isitha

Lay umphindiseli.

17 Konke lokhu kusehlele,

Kant' asikukhohlwa,

Kasenzang' amanga kuso

Isivumelwano.

18 Inhliziyo yethu kayi-

buyelanga em'va,

Lenyawo kazitshiyanga

Eyakho indlela.

19 Lanxa usephule kabu-

hlungu endaweni

Yodrago, sagutshuzelwa

Ngethunzi lokufa.

20 Uba sikhohliw' ibizo

LikaNkulunkulu

Wethu, selulel' izandla

Komunye umlimu,

21 Kayikukudinga yini

UNkulunkulu na?

Ngoba wazi izimfihlo

Zayo inhliziyo.

22 Ye ngenxa yakho sibulaw'

Lon' usuku lonke,

Siyabalwa njengezimvu

Zon' ezokuhlatshwa.

23 Vuka ulalelani na,

Wena-ke o Nkosi?

Vuka, akungasilahli

Kuze kube nini.

24 Ngani ufihla ubuso

Obakho, ukhohlwa

Zona inhlupheko zethu

Lay' imbandezelo?

25 Ngoba umphefum'lo wethu

Usukhothamele

Othulin', isisu sethu

S'namathel' othulin'.

26 Sukuma-ke usisize,

Njalo usihlenge

Thina, ngenxa yas' esakho

Sona isihawu.

Go to start

Isihlabelelo 45

Kumqondisi wokuhlabelela, ngeShoshanimi, esamadodana kaKora, Masikili, ingoma yothando.

1 'Nhliziyo yam' iphuphuma

Ngay' indaba enhle;

Ngiyakhuluma ngehubo

Engilenzileyo,

Elithinta yon' iNkosi;

Ulimi lwami lu-

lusiba lwakhe umbhali

Ongophangisayo.

2 Umuhle kulabantwana

Ababantu bona,

Umusa utheliwe nje

Emlonyeni wakho,

Ngakho-ke uNkulunkulu

Ukubusisile

Wena ngokungapheliyo

Kube njalo njalo.

3 Bophela inkemba yakho

Emlenzeni wakho,

O Somandla, ngal' udumo

Lobukhosi bakho.

4 Ebukhosini obakho

Hamb' uphumelele

Ngenxa yeqiniso loku-

chuma lokulunga.

Njalo isandla esakho

Sokunene mpela

Sizakufundis' izinto

Ezesabekayo.

5 'Mitshoko yakh' ibukhali

Kunhliziyo yazo

Izitha zayo iNkosi,

Laph' unqob' abantu.

6 Isihlalo sakho, Nkosi,

Simi njalo njalo,

Intonga yombuso wakho

Ngeyakh' ukulunga.

7 Uthandile ukulunga,

Wazonda ububi,

Ngakho-ke iNkosi, yona

INkosi eyakho,

Ikugcobe ngamafutha

Awokuthokoza

Ngokungaphezulu kwabo

Abangane bakho.

8 Izembatho zakho zonke

Ziqholwe ngephunga

Lemure lenhlaba layo

Ikhasiya lelo.

Kuzigodlo ezempondo

Zezindlovu, lapho

Bakwenzile wathokoza

Okwempela lapho.

9 Amakhosazana lawo

Ayekhona lapho

Kumakhosikazi phela

Awayo iNkosi.

Ngakwesokunene sakho

Kum' indlovukazi

Ilembathil' igolide

ElaseOfiri.

10 Lalela njal' ukhumbule,

Ndodakazi, uzwe,

Ubakhohlwe labakwenu

Labendlu kayihlo.

11 Khon' iNkosi yofisa bhe

Obakho ubuhle,

Ngoba iyiNkosi yakho,

Wena khonza yona.

12 Intombi yeTire yoba

Lapho ilezipho,

Lezinothi ebantwini

Zafis' ukuthandwa.

13 Indodakazi yeNkosi

Iyakhazimula

Ngaphakathi, izingubo

Zingezegolide.

14 Izalethwa eNkosini

Ifak' izembatho

Ezicecisiweyo-ke

Ngayo inalithi.

Intombi labosowabo

Abamlandelayo

Bona bazalethwa kuwe

Khona phambi kwakho.

15 Ngenjabulo lentokozo

Bazalethwa bona,

Bazangen' esigodlweni

EseNkosi sona.

16 Esikhundlen' saboyihlo

Kuzab' abantwana,

Ongabenz' amakhosana

Emhlabeni wonke.

17 Ngizakwenza ukhunjulwe

Kuzizukulwana,

Ngakho abantu bazaku-

bonga njalo njalo.

Go to start

Isihlabelelo 46

Kumqondisi wokuhlabelela, esamadodana kaKora, ingoma ngeAlamothi.

1 INkosi yinqaba yethu,

Lawethu amandla,

Ingumsizi ngesikhathi

Esezinhlupheko.

2 Ngakho asiyikwesaba

'Ngaz' usuk' umhlaba,

Lob' intaba zithwalelwa

Phakathi kolwandle.

3 Lob' amanzi ehlokoma

Ngokukhathazeka,

Lob' intaba zinyikinywa

Ngokukhukhumala.

4 Kulomfula lezifula

Ezithabis' um'zi

WeNkos', idumb' elingcwele

Lakh' oPhezukonke.

5 INkos' iphakathi kwawo,

Kawunyikinyeki,

Ngesikhath' es'faneleyo

Nkos' izawusiza.

6 Izizwe zaxokozela,

Yadilik' im'buso,

Yaphumisa izwi layo,

Lancibilik' izwe.

7 INkosi eyamabandla

Ilathi yona bo,

'Nkulunkulu kaJakobe

Uyinqaba yethu.

8 Wozani libone imi-

sebenzi yeNkosi,

Incithakalo ezenze

Phakathi komhlaba.

9 Wenza izimpi ziphele

Kuwo wonk' umhlaba,

Wephul' umtshoko lomkhonto,

Atshise inqola.

10 Thulani lazi ukuthi

NginguNkulunkulu,

Ngiphakanyisw' ezizweni

Lakuwo umhlaba.

11 INkosi eyamabandla

Ilathi yona bo,

'Nkulunkulu kaJakobe

Uyinqaba yethu.

Go to start

Isihlabelelo 47

Kumqondisi wokuhlabelela. Isihlabelelo samadodana kaKora.

1 Qakezani, lina bantu,

Limemezele-ke

KuNkulunkulu ngelizwi

Lakho ukunqoba.

2 UJehov' uphezu konke,

Yen' uyesabeka,

UyiNkos' enkulu phezu

Kwaw' umhlaba wonke.

3 Uzabanqoba abantu

Bonke phansi kwethu,

Lezizwe zibe ngaphansi

Kwezinyawo zethu.

4 Uzasikhethela yena

Elethu ilifa,

Ubuhle bukaJakobe

Yena amthandayo.

5 UNkulunkulu wenyuke

Ngokumemezela,

INkosi, ngakh' ukukhala

Okwalo uphondo.

6 Hlabelela kuy' uThixo

Izibongo zakhe,

Lidumis' iNkosi yethu

Ngezibongo zayo.

7 Ngob' uThixo uyiNkosi

Emhlabeni wonke,

Hlabelelan' izibongo

Ngokuqedisisa.

8 UNkulunkulu ubusa

Phezulu kwezizwe,

Uhlezi esihlalweni

Sobungcwele bakhe.

9 Amakhosana abantu

Wona ahlangene

Labantu bayo iNkosi

EkaAbrahama.

Ngoba amahaw' omhlaba

NgakaNkulunkulu,

Yena-ke uNkulunkulu

Uphakanyisiwe.

Go to start

Isihlabelelo 48

Ingoma, isihlabelelo samadodana kaKora.

1 Mkhul' uJehova, kabongwe

Kakhulu emzini

WeNkosi yethu, intaba

Yobungcwele bayo.

2 Imi kuhl' intab' iZiyon',

Yintokoz' yomhlaba,

Um' enyakatho umuzi

WeNkosi enkulu.

3 UNkulunkulu ukhona,

Uyaziwa ngakho,

Ezigodlweni ezawo,

Uyinqaba yazo.

4 Ngoba khangel' amakhosi

Ayebuthene nje,

Adlule khon' eceleni

Ehamba ndawonye.

5 Bakubona, bamangala,

Babehluphekile,

Baphangisa, babaleka,

Baya khatshana le.

6 Bafikelwa yikwesaba

Lapho, lobuhlungu

Njengabo bon' ubuhlungu

Bomfaz' ehelelwa.

7 Imikolo yeThashishi

Uyayiphahlaza

Langawo wona umoya

Wasempumalanga.

8 Njengalokhu sesizwile

Njalo sibonile

Emzini wayo iNkosi

Yawo amabandla.

Emzini kaNkulunkulu,

Yena ongowethu,

UThixo uzawumisa

Wona kokuphela.

9 Siwukhumbule umusa

Wona ongowakho,

O Nkosi, phakathi kwalo

Ithempeli lakho.

10 Njengalo ibizo lakho,

Wena Nkulunkulu,

Ngokunjalo ukubongwa

Okwakho, impela,

Kuze kub' sekucineni